چالاککردنی میکانیزمی تریگەر و لێکەوتەکانی بۆ ئێران و هەرێم
ئێران و ناوچەی ڕۆژهەڵاتی ناوەڕاست جارێکی دیکە لە لێواری پێشهاتە گەورەکاندان. چالاککردنی میکانیزمی تریگەر تەنیا بڕیارێکی یاسایی نییە لە چوارچێوەی JCPOA، بەڵکو وەڵامێکی ستراتیژییە بۆ ئەو سیاسەتە کۆنەپەرستانە و فاشیزمە ئایینیانەی کە ئێران بەڕێوەدەبەن؛ حکومەتێک کە ساڵانێکە بە سەرگەرمییە ئەتۆمییەکانی و هەناردەکردنی تیرۆر و سەرکوتی خوێناوی ئازادیخوازان سەقامگیری ناوچەکە و ژیانی گەلانی خستۆتە مەترسییەوە. ئەمڕۆ چاوی کۆمەڵگەی نێودەوڵەتی زیاتر لە جاران لەسەر ڕەفتارە نائاسایی و تاوانکارییەکانی ئەم دەسەڵاتە چڕبووەتەوە.
میکانیزمی تریگەر کە لە مادەکانی ٣٦ و ٣٧ی پەیماننامەی JCPOA دا دیاری کراوە، ڕێگە بە ئەندامانی ڕێککەوتنەکە دەدات کە لە ئەگەری پێشێلکردنی پابەندبوونەکان لەلایەن حکومەتی ئێرانەوە بە شێوەیەکی ئۆتۆماتیکی سەرجەم سزاکانی ئەنجومەنی ئاسایش بگەڕێننەوە. ئێستا ئەم میکانیزمە چالاک کراوە و بە مانای گەڕانەوەی حکومەتی ئێران بۆ حاڵەتێکی دابڕانی یەکجارەکی نێودەوڵەتی دێت؛ دۆخێک کە دەرئەنجامی ڕاستەوخۆی سیاسەتە نادروستەکانی حکومەتە و نیشانەی شکستی تەواوەتی ستراتیژی ڕەشبگیری ئەتۆمی ڕێژیمە.
گەڕانەوەی سزاکان جارێکی دیکە قورسایی لەسەر خوێنبەرە ئابوورییەکانی ئێران دەبێت. داڕمانی دراو و هەڵاوسانی بەربڵاو و بێکاری و لەناوچوونی مێزی خەڵک دەرئەنجامی ڕاستەوخۆی ئەم بڕیارەیە. بەڵام ئەوەی بۆ ڕژیم ترسناکترە، زیادبوونی ناڕەزایی گشتی و سەرهەڵدانەوەی شەپۆلی ناڕەزایەتییە. ڕێژیم جگه له قه یرانی بژێوی ژیان، بۆ پاراستنی هه ژموونی خۆی په نای بۆ ئێعدامی به کۆمه ڵ و سه ڕکوتکردنی خوێناویی ناڕه زایه تییه کان و کوشتنی ئازادیخوازان بردووە؛ سیاسەتێک کە نەک هەر شەرعیەتی ناوخۆیی نییە بەڵکو زیاتر لە هەموو کاتێک لەسەر ئاستی جیهانی ڕووخساری فاشیستی خۆی ئاشکرا دەکات. ڕژیمی ئێران ئێستا لە دۆخێکدایە کە لە هیچ تاوانێک ڕوو لە هیچ تاوانێک ناکات. یەکێک لە تاکتیکە ناسراوەکانی ڕێژیم لە بەرامبەر فشاری دەرەکیدا، بە بارمتەگرتنی هاووڵاتیانی بیانی و دوو هاووڵاتییە. لە کاردانەوەیەکی بێئەدەبیدا، حکومەت تەنانەت هەڕەشەی کوشتنی ئەمینداری گشتی ئاژانسی نێودەوڵەتی وزەی ئەتۆمی، ڕافایل گرۆسی کردووە. ئەم کارە دەیسەلمێنێت کە ڕژیم لە نائومێدی خۆیدا درێغی ناکات لە تیرۆرکردنی بەرپرسانی نێودەوڵەتی. ئەم جۆرە ڕەفتارانە زیاتر لە جاران ڕژیم لە پێگەی حکومەتێکی یاخی و تیرۆریستی دادەنێت و زیاتر لە جاران ڕووخساری تاوانکاری حکومەت ئاشکرا دەکات. لە هەمان کاتدا لەسێدارەدانی یەک لە دوای یەک لە زیندانیانی سیاسی و ناڕازیانیش بەشێکە لە سیاسەتی "تۆڵەسەندنەوە لە خەڵک". چالاکبوونی میکانیزمی دەستپێکەر دەتوانێت ئەم ڕەفتارە نامرۆڤانە چڕتر بکاتەوە، بەڵام ئەم کردارانە نیشانەی هێز نین؛ دانپێدانانێکی ڕوونن بە لاوازی و بێدەسەڵاتی لە بەرامبەر کۆمەڵگەی نێودەوڵەتی و ڕاپەڕینی ناوخۆییدا.
هیچ نظری موجود نیست:
ارسال یک نظر