.jpg)
دوو کەس تۆمەتبارن بە فێڵکردن لە دەزگای دامەزراندنی گشتی سوید بە ملیۆنان کرۆن
هەواڵی سوید- دوو پیاوی تەمەن چل ساڵان دەستگیرکران بە تۆمەتی فێڵکردنیان لە دەزگای دامەزراندنە گشتیەکانی سوید بە بڕی نزیکەی ٧ ملیۆن کرۆن بە پێشکەشکردنی زانیاری ناڕاست بۆ بەدەستهێنانی پشتیوانی دامەزراندن لە نێوان ساڵانی ٢٠٢١ بۆ ٢٠٢٤.
نیلس ڕوپی، داواکاری گشتی لە دەسەڵاتی تاوانە ئابوورییەکانی سوید بە دی ئێن-ی وتووە "ئەو بڕە پارەیەی کە پەیوەندی بەوەوە هەیە زۆرن، ساختەکارییەکە ڕێکخراو و جددییە".
چێشتخانە و زانیاری ناڕاست
لێکۆڵینەوەکان ئاماژە بەوە دەکەن کە تۆمەتبارەکان سێ بازرگانی چێشتخانە بەڕێوەدەبەن لە ناوچەکانی ستۆکهۆڵم و سۆلنا و سوندبایبێرگ. گوایە ئەوان سوودمەند بوون لە بەرنامەکانی پشتیوانی دامەزراندن لە حکومەت بە پێشکەشکردنی داواکاری کە زانیاری ناڕاستی تێدایە و بەشێک لەو پارانە بۆ مەبەستی کەسی بەکارهێناوە.
هەڵکوتانە سەر و دەستگیرکردن
لە هەڵمەتێکی بەیانیدا پۆلیس ماڵی ئەو دوو کەسەی پشکنیوە و بە فەرمانی دادوەری قەزای سۆڵنە دەستگیریان کردووە. تۆمەتەکان بریتین لە ساختەکاریی توند و سپیکردنەوەی پارە و سەرپێچی ژمێریاری جددی.
تۆماری یاسایی پێشوو
یەکێک لەو پیاوانە پێشتر بە تۆمەتی پێشێلکردنی یاسای کۆچبەری بە دامەزراندنی کەسێک بەبێ مۆڵەتی کارکردن سزا درابوو، فەرمانگەی باجیش گەرەنتی باجی ٩٠٠ هەزار کرۆنی بەسەردا سەپاندبوو. پیاوەکەی دیکە ساڵی ڕابردوو سزای خزمەتکردنی کۆمەڵایەتی بەسەردا سەپێندرا دوای ئەوەی بە تۆمەتی دەستدرێژیکردنە سەری سزادرا.
هەردووکیان ئەو تۆمەتانە ڕەتدەکەنەوە کە لە لێکۆڵینەوە بەردەوامەکاندا ئاراستەیان کراوە.
بەداخەوە زۆرێک لە کۆمپانیاکان بە تایبەت کۆمپانیا بیانییەکان لە ڕێگەی فەرمانگەی دامەزراندنەوە خەڵک دادەمەزرێنن و بارودۆخەکەیان دەقۆزنەوە، بە بیانووی هاوکاریکردنی کاغەزەکان نیوەی ئەو پارەیە وەردەگرن. بەڵام ئەوەی سەرەتا پێویستە خەمی لێ بخۆیت، فەرمانگەی دامەزراندنە.
هیچ نظری موجود نیست:
ارسال یک نظر