نیگەرانییەکان لەسەر بارودۆخی #زانا_ئیبراهیمی دوای دەستگیرکردنی لەسەر سنوور
بە وتەی مۆکریان، زانا ئیبراهیمی، کوڕی محی الدین، هەرزەکارێکی تەمەن ١٩ ساڵ خەڵکی شاری قوخ سەقز، لە ٢٩ی خەزەڵوەر [١ی تشرینی یەکەم] لەسەر سنوور دەستبەسەر کراوە و لەو کاتەوە تا ئێستا شوێنی نادیارە.
بەگوێرەی ئەو زانیارییانەی لە بنەماڵەکەوە دەستیان کەوتووە، زانا ئیبراهیمی دوای دەستگیرکردنی تەنها یەک جار، نزیکەی خولەکێک، توانی پەیوەندی بە خێزانەکەیەوە بکات و لەو کاتەوە تا ئێستا هیچ زانیارییەک لەسەر بارودۆخ و تەندروستی و شوێنی ڕاگرتنی لەبەردەستدا نییە.
بە وتەی مۆکریان، بنەماڵەی ئەم گەنجە داوا لە لایەنە پەیوەندیدارەکان دەکەن، دەستبەجێ هۆکاری دەستگیرکردن و شوێنی ڕاگیرانەکەی ڕوون بکەنەوە، هەروەها ڕێگەی دەستڕاگەیشتن بە پارێزەر و سەردانی خێزانەکەی بۆ دابین بکەن.
تا ئێستا دەسەڵاتی فەرمی هیچ وەڵامێکیان بۆ ئەم دۆسیەیە نەداوەتەوە.
هیچ نظری موجود نیست:
ارسال یک نظر