په‌یه‌ده داوا له پارتی ده‌كات له دوژمنایه‌تیكردنی خۆرئاوا، شوێنی توركیا نه‌كه‌وێت
پارتی دیمۆکراتی کوردستانی عێراق کەوتەوەتە ژیر کاریگیری ئیخۆانەکانی ئەردۆغانەوە
ساڵح موسلیم، هاوسه‌رۆكی پارتی یه‌كێتی دیموكراتی (په‌یه‌ده)، داوا له پارتی دیموكراتی كوردستان ده‌كات له دوژمنایه‌تی و دروستكردنی مه‌ترسی بۆ سه‌ر ئایینده‌ی خۆرئاوای كوردستان شوێنپێی توركیا هه‌ڵنه‌گرێت.
له دیمانه‌یه‌كدا كه (سبه‌ی) له‌گه‌ڵیدا ئه‌نجامیداوه، هاوسه‌رۆكی په‌یه‌ده توركیاو ئه‌و گروپه "چه‌تانه" به مه‌ترسی بۆ سه‌ر ئایینده‌ی خۆرئاوای كوردستان ده‌زانێت كه له‌لایه‌ن ئه‌نكه‌ره‌وه پشتیوانیان لێده‌كرێت و رایده‌گه‌یه‌نێت: ئه‌و هێزه چه‌كداره چه‌تانه‌ی كه ئێستا دروستبون مه‌ترسیه‌كی گه‌وره‌ن، توركیا حه‌ز ده‌كات شه‌ڕی ناوخۆ له خۆرئاواو سیاسه‌تی جیاواز دروستبێت.
داواش ده‌كات به‌وپێیه‌ی به‌ره‌ژوه‌ندی ئابوری هه‌یه له‌گه‌ڵ توركیا، پارتی دیموكراتی كوردستان نه‌كه‌وێته ژێر كاریگه‌ری سیاسه‌تی توركیاوه‌و ده‌ڵێت: هیوادارم ئێمه‌ی كورد نه‌كه‌وینه ئه‌و هه‌ڵه‌یه‌وه، هه‌رێمی كوردستانیش ئه‌م سیاسه‌ته نه‌گرێته به‌ر، به‌تایبه‌تیش پارتی دیموكراتی كوردستان كه هه‌ندێ به‌رژه‌وه‌ندی له‌گه‌ڵ توركیادا هه‌یه.
له به‌شێكی دیكه‌ی چاوپێكه‌وتنه‌كه‌دا ساڵح موسلیم ته‌ئكید له‌وه ده‌كاته‌وه، كه "پێشمه‌رگه رێگر بوه له ده‌ربازبونی خۆراك و كه‌لوپه‌ل بۆ خۆرئاوای كوردستان، ئه‌مه‌ش زیانی بۆ كوردان هه‌بو".
باس له‌وه‌شده‌كات، كه ده‌سه‌ڵاتدارانی هه‌رێم ئیهمالن له كۆمه‌كیكردنی خۆرئاوای كوردستان و به‌شێوه‌یه‌كی باش ئاماده‌یی خۆیان نیشان نه‌داوه.
//////////////
نه‌ته‌وه یه‌کگرتووه‌کان: زیاتر له 60 هه‌زار که‌س هه‌تا ئێسـتا له شه‌ڕی ناو سوریادا کوژراون
نه‌ته‌وه یه‌کگرتووه‌کان ڕایگه‌یاند ژماره‌ی کوژراوانی شه‌ڕی ناو سوریا، ئه‌وه‌ی 22 مانگه درێژه‌ی کێشـاوه، گه‌یشـتووه‌ته زیاتر له 60 هه‌زار که‌س.
ناڤی پـیلای به‌رپـرسی ئۆفیسی مافه‌کانی مرۆڤی سه‌ر به نه‌ته‌وه یه‌کگرتووه‌کان ئه‌مڕۆ چوارشه‌ممه گوتی ئه‌م ژماره‌یه‌ی ده‌سـتکه‌وتووه له پاش به‌دواداچوون و لێـکۆڵینه‌وه‌یه‌ک که پـێنج مانگ به‌رده‌وام بووه.
ئۆفیسی مافه‌کانی مرۆڤی نه‌ته‌وه یه‌کگرتووه‌کان که باره‌گاکه‌ی له جنێڤه، ده‌ڵێت شـاره‌زایان به‌راوردیان کردووه له نێوان ڕاپـۆرته‌کانی حه‌وت سه‌رچاوه‌دا که هه‌ندێـکیان حکومین. ده‌شڵێت گه‌یشـتوونه‌ته ئه‌وه‌ی له 15 ی مانگی سێی 2011 وه هه‌تا 30 ی مانگی یازده‌ی 2012 نزیکه‌ی 59.648 هه‌زار که‌س له وڵاته کوژراون.
پـیلای ده‌ڵێت به‌هۆی به‌رده‌وامبوونی شه‌ڕه‌کان، ده‌توانین بڵێن زیاتر له 60 هه‌زار که‌س هه‌تا ئێسـتا کوژراون. ده‌شڵێت ئه‌م ژماره‌یه زۆر زیاتره له‌وه‌ی پـێشـبینیـیان ده‌کرد.
http://www.dengiamerika.com/content/article/1576604.html
هیچ نظری موجود نیست:
ارسال یک نظر