رۆژ
ئاوایی کوردستان فەوجێكی تری هیزی
پارستنی كوردستان راگەیەندرا
یەكینەكانی پاراستنی گەل YPG لە ناوچەی جەندرسای شاری عەفین دامەزراندنی ”فەوجێك”ی تر بە ناوی ”شەهید نالین” راگەیاند.
یەكینەكانی پاراستنی گەل دوای دامەزراندنی ”فەوجی شەهید چەكدار”، هێزێكی تریش كە لە سەدان كچ و كوری كورد لەشاری عەفرین پێكهێنا.
لە ناوچەی جەندرسا دوێنی لە دوای
كردنەوەی ناوەندی YPG، فەوجی ”شەهید نالین” راگەیەندرا. فەوجەكە بە
مەراسیمێكی سەربازی بە فەرمی راگەیەندرا.
بە دامەزراندنی ئەم فەوجە ژمارەی
فەوجەكانی YPG گەیشتە (6). لە هەرێمی عەفرین فەوجەكانی ”شەهید چەكدار و
شەهید نالین”، لە هەرێمی دێریك فەوجەكانی” شەهید باوەر و شەهید لەوەند”، لە
قامیشلۆ فەوجی”شەهید ساریا”، لە كوبانێ فەوجی”شەهید سادق”، و لە سەرێكانی
فەوجی”شەهید عابید خەلیل”.
یەكینەكانی پاراستنی گەل(YPG) لە
رۆژی 19 ی تەمموزی 2012 لە كاتی كۆنتڕۆڵكردنی بەرێوەبەرایەتی كوبانی
لەلایەن كوردانەوە بە فەرمی راگەیەندرا
-------------------------
هاوپه‌یمانی كوردستان: هه‌ڕه‌شه‌كانی ماليكی مه‌ترسیدارن
جێگری سه‌رۆكی هاوپه‌یمانی
كوردستان له‌په‌رله‌مانی عێراق ئاماژه به‌وه ده‌كات كه لێدوانه‌كانی
نوری مالیكی سه‌رۆك وه‌زیران مه‌ترسیدارن كه وتویه‌تی ئیجرائاتی بێ
پێشینه به‌رامبه‌ر ئه‌وانه ده‌كات كه هه‌وڵده‌ده‌ن متمانه‌ی لێ
بسه‌ننه‌وه.
موحسین سه‌عدون جێگری سه‌رۆكی
هاوپه‌یمانی كورستان به‌سایتی سۆمه‌ریه‌نیوزی راگه‌یاندووه كه
لێدوانه‌كانی مالیكی مه‌ترسیدارن‌و كاریگه‌ری خراپی له‌سه‌ر ته‌واوی
عێراقییه‌كان ده‌بێت.
ناوبراو ئه‌و پرسیاره‌شی
له‌سه‌رۆك وه‌زیران كرد كه ئایا ده‌یه‌وێت هێزه سیاسییه‌كانی عێراق
له‌مافه ده‌ستوورییه‌كانیان بێ به‌ش بكات به‌ئیجرائاتی ناده‌ستووری؟ یان
ئیجرائاتی بێ پێشینه كوده‌تای سه‌ربازییه یان په‌رله‌مان
هه‌ڵده‌وه‌شێنێته‌وه.
هه‌روه‌ها وتی “مالیكی
ده‌یه‌وێت خۆی له‌قه‌یرانه‌كان دوور بخاته‌وه‌‌و هه‌وڵی بێبه‌شكردنی
هێزه سیاسییه‌كان له‌به‌كارهێنانی مافه ده‌ستوورییه‌كانیان
به‌ئیجرائاتی ناده‌ستووری ده‌دات”.
رۆژی شه‌مممه‌ی رابردوو نوری
مالیكی سه‌رۆكوه‌زیرانی عێراق هه‌ڕه‌شه‌ی له‌و لایه‌نانه كرد كه
ده‌یانه‌وێت متمانه‌ی لێ بسه‌ننه‌وه و وتی “ئیجراتانی بێ پێشینه‌یان
له‌گه‌ڵ ده‌كه‌م”.
هاوڵاتی
هیچ نظری موجود نیست:
ارسال یک نظر