Ariel Time
.jpg)
دۆخی مافی مرۆڤ له ئێران دهبێته بابهتی دانیشتنێکی پارلهمانی سوێد
ئا: کهریم مهرهسهنه
NNSROJ- ستۆکهۆڵم: دوای نامهیهکی پارلهمانتاری کوردی پارلهمانی سوێد بۆ وهزیری دهرهوهی ئهو وڵاته، بڕیاره پارلهمانی سوێد له ناوڕاستهکانی مانگی داهاتوودا لهسهر پرسی مافهکانی مرۆڤ له ئێران کۆبێتهوه و وهزیری دهرهوهش لهسهر بابهتهکه بدوێ.
ئامینه کاکه باوه، ئهندامی پارلهمانی سوێد لهسهر لیستی پارتی چهپ، له نامهیهکدا که له سایتی رهسمیی پارلهماندا بڵاو کراوهتهوه، داوای له وهزیری دهرهوهی سوێد 'کاڕڵ بیلدت' کردووه، سهبارهت به دۆخی مافی مرۆڤ له ئێران وهڵامی چهند پرسیارێک بداتهوه.
له نامهکهی کاکه باوهدا هاتووه: "کاتێک رژیمی ئیسلامی له ساڵی 1979دا دهستهڵاتی به دهستهوه گرت، قانوونی ئهساسیی نوێی لهسهر بنهمای شهریعه نووسییهوه. ئێران لهو کاتهوه له لایهن تاقمێکی بچووک ئاخوندهوه بهڕێوه دهبرێ که دهستیان بهسهر سامانهکانی ئهو وڵاتهدا گرت و بێ گوێدانه هاووڵاتیان خۆیان پێ دهوڵهمهند کرد."
ئهو ژنه پارلهمانتاره، که پێشتر لهناو یهکێک له حیزبه چهپهکانی رۆژههڵاتی کوردساتاندا چالاک بووه، وێرای ئاماژه بهوه که خهڵکی ئێران "له نههامهتییهکی قووڵدا دهژین"، دهستنیشانی دهکات که "ئاخوندهکان ژمارهیهکی زۆر تێکنۆکرات، بیرۆکرات و هێزی سهربازییان له دهوری خۆیان کۆکردۆتهوه که لهسهر سامانی خهڵک دهلهوهڕێن."
به گوتهی کاکه باوه "نه کاربهدهستان و نه دادگهکانیش گوێ نادهنه پرۆسه حقووقییهکان و ئهوهی له قانوونهکانی ئهو وڵاتهدا دانی پێدا نراوه."ـ ئهو پرهسنیپهی [لهئێران] ڕهچاو دهکرێ راونان، چهوساندنهوه و تۆقاندنی هاووڵاتیانه. پێڕهوکردنی زوڵم و زۆرداری به وردی کاری لهسهر کراوه. پیاوهکان به سڵینگ [جهرسهقیل] ههڵدهواسرێن و ژنهکانیش بهردباران دهکرێن. ئهو سیاسهتمهداره کورده له نامهکهیدا بهو شێوهیه باسی له بارودۆخی ئێران کردووه و دهستنیشانی کردووه که "ئهورۆ کهس ئهو زوڵم و زۆرییه نابینێ، ئهو ههموو ئێعدامانه نابینێ."
ناوبراو ئاماژهش به پرۆگرامه ناوکییهکهی کۆماری ئیسلامیی ئێرانی دهکا، که به باوهڕی ئهو "نسێی خستۆته سهر" بارودۆخی مافی مرۆڤ. به باوهڕێ کاکه باوه "ئیتر کاتی ئهوه هاتووه که جیهانییهکان ئاوڕێک له وهزعی ناوخۆی ئێران بدهنهوه" و وهک ئهو دهنووسێ "له ئێستادا چهندین چالاکی سهندیکا کرێکارییهکان له گرتووخانهکاندا بهند کراون و حوکمی درێژخایهنیان بهسهردا سهپێنراوه."
ئهو پێی وایه که بههۆی ئاوڕ نهدانهوهی رۆژئاوا له پرسهکانی مافی مرۆڤ له ناوخۆی ئێران "ئێعدامهکان روونیان له زیاد بوونه و حوکمدراوهکان به بهر چاوی ڕای گشتییهوه ههڵداوهسرێن بۆ ئهوهی خهڵک چاوترسێن بکهن. کهسانی سهر به ئۆپۆزیسیۆنی سیاسی یان لهدار دهدرێن یانیش بهىێ بنهما لهسهر ماده سڕکهرهکان سزای دوور و درێژ دهدرێن."
ناوبراو لهو پێوهندییهدا دوو پرسیاری ئاراستهی وهزیری دهرهوهی سوێد و داوای وهڵامی رهسمیی لێ کردووه که بڕیاره له رۆژی 17ی مانگی ژانوویهی داهاتوودا، لهبهر دهم ئهندامانی پارلهمان وهڵامی خۆی بداتهوه.
هیچ نظری موجود نیست:
ارسال یک نظر