Ariel Time
له کۆبانی تێرۆریستانی داعه‌ش دژ به هیزه‌کانی یه‌په‌گه چه‌کی کێمیایی به کار هێناوه
YPG : له‌کۆبانێ داعش چه‌کى کیمیایی به‌کارهێناوه
ANF
وته‌بێژى فه‌رمى یه‌کینه‌کانى پاراستنى گه‌ل YPG رایگه‌یاند که گروپه چه‌ته‌کانى داعش له شه‌ڕ و پێکدادانى هه‌رێمى کۆبانێ چه‌کى کیمیایان به کارهێناوه و بانگه‌وازى هه‌ستیارى له رێکخراوه‌کانى مافى مرۆڤى نێوده‌وڵه‌تى کرد .
رێدور خه‌لیل وته‌بێژى فه‌رمى یه‌کینه‌کانى پاراستنى گه‌ل(YPG) له‌باره‌ى دوایین دۆخى شه‌ڕوپێکدادانى هه‌رێمه‌کانى کۆبانێ لێدوانێکى دا و رایگه‌یاند:'' ماوه‌یه‌که کانتۆنى کوبانێ رووبه‌روى هێرشى گروپه چه‌ته‌کانى ده‌وڵه‌تى ئیسلامى ئێراق و شام(داعش) ده‌بێته‌وه. له هێرشه‌کاندا چه‌ته‌کانى داعش هه‌ر جۆره چه‌کى قورس وه‌ک موشه‌کى فۆسفۆر(ئاگرین)ى ئه‌مریکاییش به‌کارده‌هێنن. "
رێدور خه‌لیل ووتى :" له‌سه‌ر جه‌سته‌ى برینداران و شه‌هیدانمان بینیمان چه‌ته‌کانى داعش چه‌کى کیمیاییان به‌کارهێناوه. له دواى لێکۆلینه‌وه پزیشیکى و یه‌کینه‌ى ته‌ندروستى کانتۆنى کوبانێ، سه‌لمێندرا که چه‌کى کیمیایى له‌لایه‌ن ئه‌و گروپه چه‌تانه به کارهاتووه. به‌پێى لێکۆلێنه‌وه‌ى پزیشکه‌کان له‌سه‌ر ته‌رمى سێ شه‌هید شوێنى سوتان و خاڵى سپى بینراوه که ئه‌مه‌ش ده‌یسه‌لمێنێت چه‌کى کیمیایی به‌کارهاتووه'' .
هه‌روه‌ها سه‌ره‌نجى راکێشایه‌سه‌ر نه‌بوونى ئامێرى پێویستى ته‌ندروستى له نه‌خۆشخانه‌کانى کۆبانێ و ووتى :'' ئه‌و هۆکارانه بوون به هۆى ته‌واو نه‌ناسینى جۆرى ئه‌و ماده کیمیاییه‌ى به‌کارهاتووه." ئاماژه‌ى بۆ ئه‌وه‌شکرد:" به هۆى گه‌ماڕۆ و ئابڵۆقه‌کانى سه‌ر کانتۆنى کۆبانێ ئه‌و ئامێرانه په‌یدا نابن'' .
له درێژه‌ى لێدوانه‌که‌یدا رێدور خه‌لیل بانگه‌وازى هاوکارى به‌په‌له‌ى له کۆمه‌ڵگاى نێوده‌وڵه‌تى، داموده‌زگا و رێکخراوه‌کانى مافى مرۆڤ کرد و راشیگه‌یاند که پێویسته سه‌ردانى کانتۆنى کوبانى بکه‌ن و لێکۆلینه‌وه له دۆخه‌که بکه‌ن . هاوکاتیش داواشى له داموده‌زگا راگه‌یاندنییه هه‌رێمى و نێوده‌وڵه‌تیه‌کانیش کرد که دۆخى سه‌ختى رۆژئاواى کوردستان به راى گشتى جیهان رابگه‌یه‌نن .
.jpeg)
هیچ نظری موجود نیست:
ارسال یک نظر