Ariel Time
زوبەیر ئایدار: ئاتاجمان بە ستراتژیی نەتەوەیی هەن و پەی کوردی حەیاتی-یەن
زوبەیر ئایدار ئەندام جە کۆنسەو ڕاۋەبەری کەنەکەی جەختش کەردەۋە: "جە ئیسەنە پارت و لایەنەکێ جە چوارچێۋەو پەرسێ نەتەوەیی-ێنە هامدەنگی بانە و ستراتیژی نەتەوەیی ۋەرچەم بگێرانە".
زوبەیر ئایدار ئەندام جە کۆنسەو ڕاۋەبەری کۆگرەو نەتەوەیی کوردستانی-(کەنەکە) سەبارەت بە گرنگی یەکێتی نەتەوەیی قسێش پەی ڕۆچنامەو ئۆزگرپولیتیکای کەردێنێ و ۋاتەنش: "جە ئیسەنە جە گرد چێۋی تەری زیاتر ئاتجمان بە یەکێتی نەتەوەیی هەن. چونکە گەل و خاکەکەش پارچە کریان، دوژمنێ و داگیرکەرێ جیاۋازی و ناکۆکی ۋزۆنە میانو بەشەکانو عەشیرەت، زاراۋە، ئایین و مەزهەب و باۋەڕی و ئەتنیکە و بەشەکانو کورد و کوردستانی و پی جۆرە هەوڵمڎانە جە یەکتری ببڕامارە. جە ۋەراۋە بە ئانێچە نمکەریۆنە بێدەنگێ و بێهڵۋێستێ بێمێنە. دوژمن پەی کەردەی کەردەی ئانەیە ستراتیژیش هەن، ئەی ئێمە چی ستراتیژمان نەبۆنە؟ پۆکەی گرنگەن هامبەشانە هنگامەش پەی بنریۆنە".
ئایدار ئاماژەش بە جەنگی جیهانی یەرەمی جە ناوچەکەنە کەرد و ئاشکراش کەرد: "کوردستانیچ ئینا دلێ ئا جەنگەیەنە، کاتێ جە بەرەۋە تەماشاو جەنگەکەی بکەرینە، مەۋینی کە کورد بە پارچە بییەی دلێشەنە بەشدارەن و بێبەشن جە ستراتیژی هامبەشی، هەر بەش و پارچە پەی وێش کار مەکەرۆنە، پۆکەی بەڵگەو ستراتیژی نەتەوەیی کە کەنەکە گەڵاڵەش کەردەن و دانش بەر پەی ئیسەی حەیاتی و فرە گرنگەن و مشیۆم پارت و لایەنەکێ سیاسەتەکانشارە بلاۋە و کار پەی یاۋای بە ستراتیژیەکەی بکەرانە . نمەکریۆنە هەر کەس و لایێ پەی وێش سیاسەت و دبلۆماسی بکەرۆنە. مشیۆم گرد پێۋەرە و هامبەشانە ستراتیژی نەتەوەیی مجارە و ناوەندی دبلۆماسی دروست بکەرانە و جە روو دارایی گرد لایێ بە یەکسانی سپۆنسەرش بکەرانە و بارگرانی نەۋزانە سەرو تاکە پارت و لایەنێ".
زوبەیر ئایدار ئەندام جە کۆنسەو ڕاۋەبەری کەنەکەی جەختش کەردەنەۋە: "جە ئیسەنە ئەولەویەت یەکێتی نەتەوەیەن و هیچ چانەیە گرنگتەر نییەن. ئەگەر هەم جە دلێ و هەم جە بەرو وڵاتی بتاومێنە هنگامێش پەی بنیێمێ، ئانە جە ئاستی ناوچەیی و جیهانیەنە کورد ببۆنە بە خاوەن هێز و قورسایی و هیچ لایێ نمەتاۆنە هێرش بکەرۆنە سەرمان. ئاە ڕاستیەن و مشیۆم کورد و پارت و لایەنەکێش بۋینانەش و پەی بە گرنگیش ببەرانە. ئەگینا بە پارچەبییەی ئەنجام بەدەست نمەۋزیۆنە".
هیچ نظری موجود نیست:
ارسال یک نظر