Ariel Time
------------------------------------------------------------------------
سزادانى فەرهاد پیرباڵ هەنگاوێکى ترى دەسەڵاتدارانە لەڕاستاى توندکردنەوەى سەرکوتگەرى!
پارتى دیموکراتى کوردستان بەم سیاسەتانەى نەک هەر تیدەکۆشى بۆ بەستنى دەمى رۆشنبیران ورۆژنامەنوسان وبەرتەسککردنەوەى ئازادیەکان، بەڵکو نموونەى دەسەلاتیکى سەرکوتگەر بە قازانجى چینى سەرمایەدارو خاوەن کۆمپانیاکان و دەوڵەمەندانى کوردستان داسەپێنێ، کەرێگا نادات بەهەرجۆرە ئازادیەک بزوتنەوەیەکى نارەزایەتى جەماوەرى کەبۆخۆاستەکانیان لەدژى دەسەلاتى ئێستا پێ بنێتە مەیدانەوە.
رۆژى یەکشەمەى ڕابردوو، دادگاى هەولێر سزاى 6 مانگ زیندانى و وقەدەغەکردنى بەشدارى لەچالاکیە مەدەنیەکاندا، بەسەر فەرهاد پیرباڵى نوسەردا، لەبەرامبەر وەرگیرانى چیرۆکیکدا، داسەپاند.
ئەم هەنگاوەى دەسەڵاتداران جگەلەوەى پێشیلکردنیکى ئاشکرای مافە فەردى و مەدەنیەکان ولێسەندنەوەى ئازادى نوسین وڕەخنە و هەڵسورانى فەردیە، هاوکات گوشەیەکى تر لەهەوڵەکانى دەسەڵاتداران بەگشتى وپارتى دیموکراتى کوردستان بەتایبەتى بۆ داسەپاندنى سەرکوتگەرى لەئاست ئازادى بیروڕاو ڕەخنەو هەڵسورانى سیاسى بەسەرکومەڵگادا، دەخاتەڕوو. پارتى دیموکراتى کوردستان و دەسەلاتەکەى لەماوەى ڕابردوودا بەدواى دەورەیەک لەهەرەشەکردن و تیرۆرکردنى رۆژنامەنوسان و سەرکوتکردنى هەربزوتنەوەیەکى جەماوەرى کەبۆ خواستەکانى خۆیان هاتبەنە مەیدانەوە، یاساو دادگاى گرت بەدەستەوە تا هەرچى زۆرترە دەسەڵاتى میلیشیایى و سەرکوتگەرانەى بۆرژوازى کورد لەبەرابمەر کرێکاران وزەحمەتکیشان و ئازادیخوازاندا توندکاتەوە و ڕێگە لەهەرنوزە هەناسەیەکى ئازادى بگرێ. پەنابردن لەم ڕێرەوەشدا، بۆیاساو دادگا گەلێک لەرۆژنامەکانى کوردستانى رووبەڕووى سزاى سەختى مالى کردوەو دواتریش پرۆژە یاساى مەرجدارى بۆخۆپیشاندان لەپەرلماندا بەبێ ئیعتباردانان بۆڕاى گشتى خەڵکى کوردستان تێپەرکرد، ئەمجارەش فەرهاد پیرباڵى لەسەر وەرگێرانى چیرۆکێک خستۆتە زیندانەوە وئازادى نوسین وهەڵسوڕانى لێقەدەغەکردووە.. هەموو ئەمانە نیشانەى دژایەتیەکى ئاشکراى دەسەڵاتدارێتى حزبە بۆرژواناسیونالیستەکانى کوردستانە لەبەرامەبەر ئازادى بیروڕاو ڕەخنەو نوسین وهەڵسورانى سیاسیدا.
پارتى دیموکراتى کوردستان بەم سیاسەتانەى نەک هەر تیدەکۆشى بۆ بەستنى دەمى رۆشنبیران ورۆژنامەنوسان وبەرتەسککردنەوەى ئازادیەکان، بەڵکو نموونەى دەسەلاتیکى سەرکوتگەر بە قازانجى چینى سەرمایەدارو خاوەن کۆمپانیاکان و دەوڵەمەندانى کوردستان داسەپێنێ، کەرێگا نادات بەهەرجۆرە ئازادیەک بزوتنەوەیەکى نارەزایەتى جەماوەرى کەبۆخۆاستەکانیان لەدژى دەسەلاتى ئێستا پێ بنێتە مەیدانەوە. ئەمە لێدانى زەنگێکى سەرکوتگەریە لەدژى کرێکاران وخەڵکى زەحمەتکێشى کوردستان.
بەڵام سزادانى فەرهاد پیرباڵ لەم شێوەیەدا، جارێکى تر هاوسەنگەرى "لایەنە ئۆپۆزسیۆنەکان"ى کوردستان و دەسەلاتداران لەیەک بەرەى دژى ئازادیدا ئاشکرادەکاتەوە. بزوتنەوەى گۆران کەبەکەمپینى "ئازادى رۆژنامەگەرى لەکوردستانى عیراقدا" راوەستاوە و لەولاشەوە لەگەڵ رەوتە ئیسلامیەکاندا، بۆ بەرژەوەندی سیاسى رۆژى خۆى و تیکنەدانى پەیوەندیەکانى لەگەڵ پارتیدا، بێدەنگى لەئاست پەلاماردانى نوسەران ورۆشنبیراندا هەڵدەبژێرێ، هاوکات رەوتە ئیسلامیەکانیش کەبەشەریعەتى ئیسلامى و فەرهەنگى کۆنەپەرستانەو دژى ئازادیەوە بەرگى ئۆپۆزسیۆنیان پۆشیوە، بەپێویست هەموولایەکیان دەخاتە بەرەى دژى ئازادى وسیاسەتێکەوە کەدەسەلاتداران بۆداسەپاندنى سەرکوتگەرى سیاسى وژێرپێنانى ئازادیەکان لەسەرى راوەستاوە.
حزبى کۆمۆنیستى کرێکارى کوردستان وێراى مەحکومکردنى ئەم بریارەى دادگاى هەولێر و هەر سیاسەتێکى سەرکوتگەرانەى دەسەلاتداران بەدژى ئازادیەکان، هاوکات خوازیارى هەڵوەشاندنەوەى دەستبەجێی بڕیاری سزاى زیندانیکردنى فەرهادپیرباڵ و گێڕانەوەى ئازادیەکانیەتى. حزبى کۆمۆنیستى کرێکارى کوردستان بانگەوازى سەرجەم کرێکاران وزەحمەتکیشان وئازادیخوازان وروشنبیران ورۆژنامەنوسان دەکات، کەلەدژى هەرجۆرە سیاسەتێکى سەرکوتگەرانەى دەسەلاتداران کەئازادی بیروڕاو رۆژنامەگەرى و ئازادیە سیاسى ومەدەنیەکان لەکۆمەڵگادا بەرتەسکدەکاتەوە، رابوەستن ولێبراوانە تیبکۆشن.
حزبى کۆمۆنیستى کرێکارى کوردستان
21/12/2010
جه‌مال نه‌جاری - سه‌رنووسه‌ری گۆڤاری به‌ره‌وسه‌ربه‌خۆیی
ره‌سووڵ سوڵتانی - نووسه‌ر و رۆژنامه‌وان
محمه‌د رۆسته‌مزاده (نامۆ) -مامۆستای زانکۆ
حه‌میده یۆسفی
چیمه‌ن حه‌سه‌نی - دیزاینه‌ر
ئاسۆ مامزاده- دیزاینه‌ر
ئاسۆ پیرۆتی
یه‌کگرین با سه‌رکه‌وین . یه‌کبون واته سه‌رکه‌وتن.
از ارائه خدمات در این آدرس به یکی از دلایل زیر معذوریم
- تخطی از قوانین و توافقنامه استفاده از خدمات سایت
- دستور مراجع قانونی جهت مسدود سازی وبلاگ
- انتشار محتوای غیر اخلاقی یا محتوایی که براساس قوانین کشور تخلف است
http://www.pimp.blogfa.com/post-928.aspx
دكتۆر فەرهاد پیرباڵ: هەزاران ئیتڵاعاتی لەشاری سلێمانی دەسووڕێنەوە
هەزاران ئیتڵاعاتی لەشاری سلێمانی دەسووڕێنەوە، تەنانەت ئەگەر بێنە ناو فیستیڤاڵەكەش هەر سەرچاوم، كێشە نییە، بەڵام كەسێكی ئیتڵاعات و سانسۆرچی بێنیت و شەرەفی ئەوەی بدەیتێ كە خەڵات ببەخشێتە نووسەرێكی گەنجی كورد، ئەوە بۆمن مایەی شەرمەزاری و رسواییە، بۆیە قەبوڵم نەكرد و لە فیستیڤاڵی گەلاوێژدا هەڵوێستم وەرگرت"، دكتۆر فەرهاد پیرباڵ بەم شێوەیە هۆكاری هەڵوێستوەرگرتنی لە فیستیڤاڵی گەلاوێژ روون دەكاتەوە.
دوای ئەوەی لە رێكەوتی 10/11/2010 لە شاری سلێمانی بە بەشداری ژمارەیەكی زۆر لە نووسەران و رۆشنبیران، چواردەهەمین فیستیڤاڵی گەلاوێژ لە ژێر دروشمی "ئازادی عەقڵ دەروازەی داهێنانە" دەستیپێكرد و پێنج رۆژی خایاند، لە دوارۆژەكانی فیستیڤاڵەكەدا، دكتۆر فەرهاد پیرباڵ هاتە سەر تەختەی شانۆ و بەرامبەر پێشكەشكاری بەخشینی خەڵاتی نووسەر و رۆشنبیران هەڵوێستی دەربڕی و دواتر شوێنی فیستیڤاڵەكەی بە جێهێشت.
دكتۆر فەرهاد پیرباڵ لە دیدارێكی تایبەتی لەگەڵ (سڤیل)دا لە بارەی هۆكارەكانی بایكۆتكردنی ئەو فیستڤاڵە گوتی "هەڵسانەوەم لە فیستیڤاڵی گەلاوێژ و هەڵوێست وەرگرتنم بەهۆی ئەوە بوو كە یەكێك لە ئەندامانی سانسۆری چاپەمەنییەكانی ئێرانیان بۆ خەڵات بەخشین بانگ كرد". پیرباڵ گوتیشی "هەزاران ئیتڵاعات لە شاری سلێمانی دەسووڕێنەوە، تەنانەت ئەگەر بێنە ناو فیستیڤاڵەكە هەر سەرچاوم كێشە نییە، بەڵام ئەو كەسە ئیتڵاعات و سانسۆرچییە بێنیت و شەرەفی ئەوەی بدەیتێ كە خەڵات ببەخشێتە نووسەرێكی گەنجی كورد، ئەوە بۆمن مایەی شەرمەزاری و رسواییە، بۆیە قەبوڵم نەكرد، پێمناخۆشە كە ئیتڵاعات بە ناو رۆشنبیرێك لە كوردستانی ئازاد شەرەفی ئەوەی هەبێت خەڵات بداتە كورد".
نووسەر و رۆشنبیری كورد دكتۆر فەرهاد پیرباڵ كە یەكێك بووە لەو كەسانەی بەشداری لە چواردەهەمین فێستیڤاڵی ئەمساڵی گەلاوێژدا كرد، جەخت لەوە دەكاتەوە كە دەرفەتدان بە "سانسۆرچی" بۆ بەخشینی خەڵاتی ناوەندێكی رۆشنبیری، "خۆ بە بچووك زانین و خۆ بە كەم زانینە" و دوپاتیشی دەكاتەوە كە ئەو جۆرە كارانە "جێگەی شەرمەزاری و رسوایین" و دەڵێت "منیش ئەو شەرمەزاری و رسواییە قبووڵ ناكەم لەسەر خاكی من روو بدات".
بە بۆچوونی دكتۆر فەرهاد پیرباڵ لە ئێستادا پێویستە بەرەیەكی یەكگرتوو لە نێوان نووسەران و رۆشنبیراندا پێكبێت، بۆ ئەوەی پشتوانی بكرێت لە هەموو ئەو نووسەر و رۆشنبیرانەی كە ئێستا بابەتەكانیان سانسۆریان خراوەتە سەر. وەك خۆی باسیكرد ئامانجی لەو هەڵوێستەشی بۆ ئەوە بووە، كە بە دنیا و رای گشتی بڵێت "پێویستە پشتیوانی لەو سەدان نووسەرە بكەن، كە لە ئێران لە ژێر زوڵم و چنگی سانسۆری چاپەمەنیدا دەناڵێنن".
ماوەیەكی زۆرە شەپۆلێكی گرتن و لە سێدارەدانی چالاكوانانی سیاسی لە ئێراندا پەرەی سەندووە، پیرباڵ هەر لەكاتی لە سێدارەدانی فەرزاد كەمانگەر لە كۆبوونەوەیەكی ناڕەزایەتی دەربڕین لە پاركی شانەدەری هەولێر جارێكی دیكە ئەو سەركوت و كوشتار و توندوتیژییانەی حكومەتی ئێرانی پرۆتستۆ كرد. پیرباڵ كە بەوە ناسراوە هەڵوێستەكانی خۆی راشكاوانە دەردەبڕێ، جارێكی دیكە و ئەمجار لەناو فیستیڤاڵی گەلاوێژدا و لە سلێمانی بە گژ ئەو "سانسۆرچییانە"دا چوو، هۆكاری هەڵوێستی ئەمجارەشی زیاتر بۆ ئەوە گەڕاندەوە كە "نووسەرگەلێكی زۆر هەن لە ژێر زوڵمێكی زۆری دەسەڵاتی ئێراندا دەناڵێنن، باش ئاگادارم، بۆیە بەفیعلی ویستم پشتیوانی خۆم بۆ ئەو هەموو نووسەرە دەرببڕم، كە لە ئێران لەناو چڵپاوی سانسۆری دەوڵەتی ئیسلامیدا غەرق بوون".
لە چواردەهەمین فیستیڤاڵی گەلاوێژدا، ژمارەیەكی زۆر لە نووسەر و رۆشنبیرانی ناوخۆ و وڵاتانی دراوسێ بەشدارییان تێدا كرد، هاوكات نووسەر و رۆشنبیرانی وڵاتانی (فەڕەنسا، ئیسپانیا، كازاخستان، ئەڵمانیا)ش بەشدارییان لەو فیستیڤاڵە كرد.
هەر لە كاتی بەخشینی خەڵاتەكاندا و دوای ئەوەی د. فەرهاد پیرباڵ دەربارەی پێشكەشكاری خەڵات بەخشینەوە، هەڵوێستی خۆی دەربڕی، مەلا بەختیار ئەندامی مەكتەبی سیاسی یەكێتی نیشتمانی كوردستان و سەرپەرشتی یەكەمی فیستیڤاڵەكە رەخنەی لە پیرباڵ گرت، لەو بارەیەوە دكتۆر فەرهاد دەڵیت "من ئامادە نیم لەوە زیاتر هیچ روونكردنەوەیەك بدەم، هەقیقەت و راستییەكەم گوتووە، هەقیقەتیش پێویستی بەروونكردنەوە نییە، بێگومان هەموو ئێرانییەكان و ئەو وەفدەش كە هاتبوون، زۆرترینیان سەر بە دەوڵەتی ئێران بوون، بەداخەوە ئەمەش لە فیستیڤاڵی گەلاوێژ ناوەشێتەوە، كە من زۆر زۆر شانازی پێوە دەكەم. هیچ ساڵێكیش نەبووە من لەو فیستیڤاڵەدا ئامادە نەبم، تەنیا یەك ساڵ نەبێت، ئەویش سەرقاڵی نووسینی رۆمانێك بووم. بەناوی حیكایەتەكانی باوكم".
پیرباڵ كە بایكۆتی فیستیڤاڵی ئەمساڵی گەلاوێژی كرد، گوتیشی "خۆشەویستی خۆیشم بۆ فیستڤاڵی گەلاوێژ ئەوەیە كە ئەو تەجروبەیە دووبارە نەبێـتەوە. ئەگەر لە بەرامبەر بە نووسەرانی سانسۆرچی و ئیتڵاعاتی دەوڵەتی ئێرانیش ئەو هەڵوێستەم وەرگرت، بۆ ئەوە بوو كە پێمخۆشە فیستیڤاڵی گەلاوێژ پڕ بێت لە نووسەرانی خاوەن هەڵوێست و جوان، ئێمەش لە رووی نووسین و فەلسەفە و هونەریشەوە لێیان فێر بین، نەك بەرامبەریان هەست بە شەرمەزاری بكەین. بەڵام كاك بەختیار ئازادە چۆن تێدەگات و باس لە شتەكان دەكات. خۆیشی باش دەزانێت، كە من كێشەیەم لەگەڵ فیستیڤاڵی گەلاوێژدا نییە".
سەرەڕای ئەوەی ژمارەیەكی زۆر لە نووسەر و رۆشنبیرانی ناوخۆی و پارچەكانی تری كوردستان، بەشدارییان لەو فیستیڤاڵەدا كرد، بەڵام لە بەرامبەر ئەو خەڵاتبەخشینەدا، تەنها د. فەرهاد پیرباڵ هەڵوێستی وەرگرت. پیرباڵ جەخت لەوە دەكاتەوە كە لەوەی كردوویەتی پەشیمان نییە و دەڵێت "ئەوەی كردوومە، بیركردنەوە و تێگەیشتی من بووە لەو فیستیڤاڵە و ئەگەر خەڵكی تر هەڵوێستی نەبووە، خۆیان بەرپرسیارن، بەڵام زۆربەی ئەو ئێرانییانەی كە ئامادەی ئەو فیسیڤاڵە بوون، لەگەڵ من هاوڕابوون، بێگومان ئەوانیش ناتوانن بچنە سەر شانۆ عەینەن حەرەكە و قسەی من بكەن". دكتۆر فەرهاد پیرباڵ گوتیشیی "كاك بەختیار سەرۆكی فیستیڤاڵەكە بۆی هەبوو قسە بكات، بەڵام ئایا ئەوان ئیستفتایان كرد لەناو خەڵكەكە كێ لەگەڵ فەرهادە و كێ لەگەڵ فەرهاد نییە، بێگومان ئەگەر ئەو راپرسییەیان بكردبایە ئەو وەختە هەقیقەتێك بەدیار دەكەوت، بۆیە پێموانییە خەڵكانێك نەبووبن لەگەڵ هەڵوێستی من نەبن".
لە دوابەشی قسەكانیدا د. پیرباڵ جیاوازی فیستیڤاڵی ئەمساڵی لەگەڵ ساڵانی رابردوو، بە جۆری بانگهێشتكردنی وەفدەكانەوە گرێ دا و گوتی "ئەو وەفدانەی كە ئەم ساڵ هاتبوون، لەگەڵ وەفدی جاران جیاوازی ئەرز و ئاسمانی هەبوو، بەتایبەتی وەفدی ئێرانییەكان، چونكە بە كوردییەكەی ئەم ساڵ ئەو نووسەرانەی كە لە ئێرانەوە هاتبوون بۆ فیستڤاڵی گەلاوێژ، نیوەی زیاتریان سەر بە دەوڵەتی ئێران بوون، ئەم غەڵەتەش قۆڕ و گەمەیەكی سیاسییە لەگەڵ ئێران كە لەسەر حیسابی رۆشنبیری و هونەری كوردی دەكرێت".سڤیل: محه‌مه‌د گۆران، شوان سدیق.
----------------------------------------------------
''به‌رانبه‌ر مه‌لاكان''
ژماره‌یه‌ك نووسه‌ر‌و رۆشنبیر: چیدی بێده‌نگ نابین
23/12/2010
هاولاتی
.jpeg)
هیچ نظری موجود نیست:
ارسال یک نظر