موسڵ.. كه‌سێكی نزیك له‌ئه‌بو به‌كر به‌غدادی كوژرا

موسڵ.. كه‌سێكی نزیك له‌ئه‌بو به‌كر به‌غدادی كوژرا

هه‌شت تیرۆرست كوژراون

ئه‌مڕۆ 29-12-2016 فرۆكه‌ جه‌نگیه‌كانی هاوپه‌یمانان له‌شاری مه‌سڵ چه‌ند حه‌شارگه‌و ئۆتۆمبیلێكی داعشیان بۆردومانكرد.
غه‌یاس سورچی كارگێڕی مه‌ڵبه‌ندی موسڵی یه‌كێتیی نیشتمانیی كوردستان راگه‌یاند: فرۆكه‌ جه‌نگیه‌كانی هاوپه‌یمانان دوو ئۆتۆمبیلی سه‌ربه‌ تیرۆرستانی داعشیان بۆردومانكرد له‌گه‌ڕه‌كی مالیه‌ كه‌ده‌كه‌وێته‌ لای چه‌پی شاری موسڵ.
وتیسی: له‌و بۆردومانه‌دا تیرۆرستێك به‌ناوی (تحسین واسق هاشم حه‌یالی) كوژراوه‌ كه‌به‌رپرسی نوسینگه‌ی خه‌لیفه‌ی داعش ئه‌بو به‌كر به‌غدادی بوه‌ له‌پارێزگای نه‌ینه‌وا.
سورچی ئاماژه‌ی به‌وه‌شدا، كه‌فرۆكه‌ جه‌نگیه‌كانی هاوپه‌یمانان چه‌ند حه‌شارگه‌یه‌كی داعشیان بۆردومانكردوه‌ له‌گوندی كرملیس له‌قه‌زای حه‌مدانی و گوندی زه‌ف له‌ناحیه‌ی نه‌مرود و گوندی حلبیه‌ له‌ناوچه‌ی ئاسكی موسڵ.
وتیشی: له‌وبۆردومانانه‌شدا هه‌شت تیرۆرست كوژراون و ژماره‌یه‌كی زۆر ئۆتۆمبیلی داعشیش تێكشكاوه‌.