سیامەند موعینی: ئەگەر رژێما ئیرانێ ریفۆرمان نەکەت دێ شەڕێ چەکداری دەستپێکەت

 

#پارتی_ژیانی_ئازادی_کوردستان

سیامەند موعینی: ئەگەر رژێما ئیرانێ ریفۆرمان نەکەت دێ شەڕێ چەکداری دەستپێکەت

لەز، تایبەت

🔻سیامەند موعینی، ئەندامێ کۆمیتە رێڤەبەرا پارتییا ژیانا ئازادا کوردستان (پەژاک) دەربارەی خوەنیشاندانێن نوکە یێن رۆژهەلاتێ کوردستان و ئیران ل دژی رژێما کۆمارا ئیسلامی، بەرسڤا چەند پرسیارێن لەز میدیا دا و گۆت:”ئێدی کورد زۆلما حاکمێن ئیرانێ قبۆل ناکەن”.
🔻خوەنیشاندانێن ڤان چەند رۆژێن دەربازبوویی بەردەوامییا کۆمەکا خواست و ڤیانێن دیمۆکراتیک یێن خەلکێ ئیرانن کو لدووڤ ئەمنییەت و ژیانەکا ئازاد و بروومەت ڤەنە.
🔻راستە نوکە سەرهلدانان ل بازارێ تەهران دەستپێکرییە، لێ خواستا ئابووری یا بازاری ئەو نەرازیبوونە پێشخستن، لێ ژ بیرا مە نەچیت خواست و ڤیانەکا سیادی یا قەوارەیێ پرسا ئازادییا نەتەوایەتی و ئابووری و دیمۆکراسی ژی هەیە کو ئەو سیستەمێ دیکتاتووری دەمێ نێزیکی 50 سالانە ب تەپەسەرکرنا جەماوەری بەرسڤا خواستێن وان یێن دیمۆکراتیک ددەت، لەوما خەلک چاڤەرێی دەلیڤەکێ دکەن کو نەفرەتێن خوە بەرامبەر وێ دەستهەلاتا دیکتاتۆر نیشان بدەن.
🔻کۆمارا ئیسلامییا ئیران، بەرسڤا خواستێن دیمۆکراتیک یێن خەلکێ ب کۆشتنێ و لێدان و زیندانیکرنێ ددەت، ئەو ژی دبیتە ئەگەر کو گەلێن ئیرانێ ئالترناتیڤێن جیاواز بەرامبەر دگەل وان دکتاتۆران پەیدا بکەن و ل دووماهییێ ل ئیرانێ دێ دوو ئالترناتیڤ هەبن، یان بڕەنگەکێ نەرم ب رێفۆرمان چارەسەرییا ئەڤێ رەوشێ بکەت، یان دناڤ خوەدا شەڕێ ئێکلاکەرێ چەکداری یێ گەلان ل دژی دەستهەلاتدارێن ئیرانێ دێ دەستپێکەت.
🔻هەلویستێ پەژاک زەلال و ئاشکەرایە، چەند رۆژان بەری نوکە پەژاک ب نڤیسارەکێ بۆچوونا خوە دیارکربوو، پەژاک هێزا گەلە و براستی بۆ بەرژەوەندییێن جەماوەری ل دژی داگیرکاری و دیکتاتۆری و نەعەدالەتییا جڤاکی تێکۆشینێ دکەت، بۆ پاراستنا گەلێ خوە ئامادەیە و دێ هەموو ئامرازان بکاربهینیت دا جڤاک پێنگاڤەکا دی ل ئازادی و سەربەستییێ نێزیک ببییت. مە بنڤیسار و پڕاکتیک نیشان دا یە کو هەردەم دگەل بەرەیێ گەل دژی دکتاتۆرییەتێ مە تێکۆشان کرییە و بۆ بدووماهیک هینانا دیکتاتۆرییەتا ئیرانێ ئەم بۆ هەموو فیداکارییەکێ ئامادەینە.
🔻نوکە، رژێم یا لاوازە، ئابوورێ وێ هەڕڤتییە، د بوارێن نانەفتی دا چۆ دۆستێن ستراتیژی یێن وەسا نەماینە، هەڤدەم شەرعییەتا سیادی و تەنانەت ئایدۆلۆژیا خوەژی ژ دەست دایە و بوارێ وێ یێ دیبلۆماسی هەڕفتییە.