Subscribe:

Ads 468x60px

۱۳۹۲ آبان ۲۳, پنجشنبه

لایەنەکانی ڕۆژهەڵات پشتیوانی لەداخوازی شەش ڕێکخراوی مەدەنی دەکەن!



لایەنەکانی ڕۆژهەڵات پشتیوانی لەداخوازی شەش ڕێکخراوی مەدەنی دەکەن
-

لایەنە سیاسییەکانی ڕۆژهەڵات پشتیوانی لەداخوازی شەش ڕێکخراوی مەدەنی دەکەن!
سەربەستی:
 
 بە پێی بانگەوازێک کە ئەمڕۆ سێشەمە ٢١ی گەڵاڕێزانی ٢٧١٣ی کوردی وێنەیەکی بە دەستسەربەستی گەییشتووە، کۆمەڵێک پارت و ڕێکخراوی سیاسیی رۆژهەڵاتی کوردستان لە پێوەندی بە گرتن و لە سێدارە دانی چالاکانی سیاسیی و مەدەنی کورد لە ڕۆژهەڵاتی کوردستان و هاوکات بۆ پشتگیری کردن لە پێشنیاری شەش ڕێکخراوی مەدەنی و مافی مرۆڤ کورد لە ڕۆژەڵاتی کوردستان, کە داوایان کردبوو ڕۆژی ٢٣ی گەڵاڕێزان بکرێتە ڕۆژی ماتەمینی گشتی، بانگەوازێکیان بڵاو کردەوە.
.
وەک لە درێژەی بانگەوازەکەدا هاتووە کە  ئێمە ئەو حیزب و رێکخراوانەی کە ئەم راگەیەندراوە هاوبەشەمان واژۆ کردووە، لەسەر ئەو باوەڕە بووین کە دەبوو دەوڵەتی داگیرکەری ئێران لەبەرانبەر ئێعدامی ئەو 3  رۆڵە زیندانییەی نەتەوەکەماندا، لەگەڵ هەڵوێست و هەنگاوی هاوبەش و بەرینی سەرجەم حیزب و رێکخراوە کوردستانییەکان، رووبەڕوو ببایەوە و وەڵامی ئەو زنجیرە تاوانەی بە پێشاندانی یەکگرتوویی کورد و هێزە سیاسییەکانی کوردستان، وەرگرتبایەتەوە.
لە خوارەوە سرنجتان بۆ بینینی بانگەوازەکە ڕادەکێشین؛
ڕاگەیاندنی پشتیوانی ١٢ حیزب و ڕێکخراوی کوردستانیی
 لە بانگەوازی شەش ڕێکخراوەکەی مافی مرۆڤ
رۆڵەکانی نەتەوەی کورد!
کوردستانییانی وڵاتپارێز!
بۆ دەنگهەڵبڕین دژ بە ئێعدامی رۆڵەکانی نەتەوەکەمان، 6 رێکخراوی کوردستانیی مافی مرۆڤ، لە بانگەوازێکی هاوبەشدا پێشنیاریان کردووە کە: "رۆژی پێنجشەممە 23ی خەزەڵوەر ببێتە رۆژی ماتەمینی گشتی و خەڵکی کوردستان وێڕای چوونەسەر مەزاری شەهیدان، سەردانی بنەماڵەکانیان بکەن و هاوخەمییان لەگەڵ دەرببڕن."
چاوەڕوانی هاوبەشی ئەو 6 رێکخراوە لە خەڵکی وڵاتەکەمان ئەوەیە کە: "بەپشتگیریکردنی زیندانیانی سیاسی و مەدەنیی دیکەی مەحکوم بە ئێعدام، لەدژی سزای ئێعدام وەک تاوانێکی دژی مرۆڤی، هاودەنگیی بکەن و ناڕەزایەتی خۆیان بە شێوازی مەدەنیانە لە پێشێلکردنی زەقی مافەکانی مرۆڤ لە کوردستانی (بندەستی) ئێران، بە گوێی دنیا بگەیەنن."
 ئەو شەش رێکخراوە هاوکات داوایان لە حیزب و رێکخراوە سیاسییەکان و میدیاکان کردووە کە لەگەڵیاندا هاودەنگ بن، پشتیوانیی لەو هەنگاوە بکەن و خەڵک و لایەنگرانیان بۆ بەشدارییکردن، هان بدەن.
ئێمە ئەو حیزب و رێکخراوانەی کە ئەم راگەیەندراوە هاوبەشەمان واژۆ کردووە، لەسەر ئەو باوەڕە بووین کە دەبوو دەوڵەتی داگیرکەری ئێران لەبەرانبەر ئێعدامی ئەو 3  رۆڵە زیندانییەی نەتەوەکەماندا، لەگەڵ هەڵوێست و هەنگاوی هاوبەش و بەرینی سەرجەم حیزب و رێکخراوە کوردستانییەکان، رووبەڕوو ببایەوە و وەڵامی ئەو زنجیرە تاوانەی بە پێشاندانی یەکگرتوویی کورد و هێزە سیاسییەکانی کوردستان، وەرگرتبایەتەوە.
بەڵام ئێستا کە ئەو کۆدەنگییە هەمووانییە نەخەمڵیوە، بە ئەرکی ئینسانی، ئەخلاقی، نەتەوەیی، دینی و سیاسیی خۆمان دەزانین کە بە پشتیوانیی کردنی هاوبەشمان لە بانگەوازی رێکخراوە مەدەنییەکان، گیانی بەرەنگاریی گشتی و یەکێتی و یەکڕیزیی لەبەرانبەر دەسدرێژییەکانی تاران بە دژی نەتەوەکەمان و کوشتار و ئێعدامی رۆڵەکانی، بەهێز بکەین. لەسەر ئەم بنەمایە ئێمە پشتیوانیی لێبڕاوی خۆمان لە بانگەوازی ئەو 6 رێکخراوە دەردەبڕین کە رۆژی 23ی خەزەڵوەر ماتەمینی گشتیی بێ لە رۆژهەڵاتی کوردستان؛ تا بەمجۆرە خەڵکی کوردستان دەنگی یەکگرتووی خۆیان دژ بە ئێعدامی رۆڵەکانیان و بۆ هەڵوەشاندنەوەی حوکمی ئێعدامی پۆلێکی دیکە لە زیندانیی سیاسی و مەدەنیی کورد دەرببڕن.
رۆڵەکانی نەتەوەی کورد!
با رۆژی پێنجشەممە 23ی خەزەڵوەر، وێڕای بەرپەرچدانەوەی تاران لە گرتن و ئەشکەنجەدان و سەپاندن و جێبەجێکردنی حوکمی ئێعدام بەسەر چالاکوانانی سیاسیی و مەدەنیی کورد، ناڕەزایەتیی خۆمان لە دژی سیاسەتی سەرکوت و کوشتاری سیستماتیکی کۆماری ئیسلامی ئێران لە دژی نەتەوەکەمان دەرببڕین و پشتگیری و هاوخەمیی هاوبەشمان بۆ زیندانیانی سیاسیی و بنەماڵەکانیان بە گەلانی جیهان نیشان بدەین.
رێکخراوی یاریکورد (یارسان)
رێکخراوی خەڵکیی کورمانجی خۆراسان
رێکخراوی ئازادیی ژنانی کوردستان - نینا
رێکخراوی خەبات،ی شۆڕشگێڕی کوردستان
یەکێتی شۆڕشگێڕانی کوردستان
یەکێتی نەتەوەیی لاوانی رۆژهەڵاتی کوردستان (پێکهاتوو لە 3 رێکخراوی لاوان)
کۆمەڵەی یەکسانیی کوردستان
کۆمەڵەی شۆڕشگێڕی رۆژهەڵاتی کوردستان
پارتی سەربەخۆیی کوردستان
پارتی سەربەستیی ڕۆژهەڵاتی کوردستان
پارتی ئازادی کوردستان PAK

٢١ی خەزەڵوەری ٢٧١٣ی کوردی
12 نۆڤامبری 2713 زایینی
سەرچاوە: سەربەستی

هیچ نظری موجود نیست:

ارسال یک نظر