جەلال ناوە
وێرای سڵاو،ماندوونەبن! هەر چەند دەزانم ئێستا سەرتان قاڵە ولەوانەيە کاتێکی زۆر باش نەبێت بۆ ئەوەی کە من سکاڵای خۆمتان پی ڕابگەینم، بەڵام بەراستی بێ دەنگیم پێ باش نەبوو بويە بە پيويستم زانی قسەوباسيک هەرچەند بە کۆرتی، سەبارەت بە هەل و مەرجی ئەم دواييانە لە گەڵتان بينمە ئاراوە.
براێ بەڕێز ئەو شتانە وا ئێستا ئەمەوێ باسی بکەم شایەد بۆ تۆ و باقی هاوڕێیان تکراری بێت و ماندووتان بکات بەڵام لەراستیدا لەبەرئەوەی نامەکە سەرئاوەڵایە و تەنیا رووی لە خۆت نیە، مەجبورم هه ندێک بۆ ڕابردوو بگەڕيمەوە.
هەروەک بۆ خۆشت ئاگاداری پێش ئینشعاب لە کۆمەڵەی زەحمەتکێشانی کۆردستانی ئێران من تاکە کەسيک بووم کە خاوەنی هەڵويست و بۆچوونی تايبەتی خۆم بووم و لە دوايين پلێنۆمی هاوبەش کە بوومان، بە ٢ بڕيارنامەی پێشکەش کراوی هەردوولایەنەکە دەنگم نەدا و خۆم بە تەنیا مامەوە و هەرچەند ئەندامی کەمینەی کومیتە مەرکەزی ئەو دەورە نەبووم، بەڵام لەژێرسايەی درووشمی رێفۆرم و چاکسازی دا لەگەڵ ئێوە کەوتم.
ئێمە ماوەێک پێکەوە کاری هاوبەشمان کرد هەتا گەیشتینە قوناغی کۆنگرە، من وردە ورەد وبەدوای لێکدانەوەی خۆمدا بەو نەتيجە گەیشتم کە ئێمە هەموومان بە گشتی نەيار و ناکۆک بووین نە ک هاو نەزەر و هاو بیرو ڕا! کۆنگرەیش نەیتوانی ئێمە بە هاو نەزەری بگەیەنێت چون بۆ من کۆنگرە بنەمای دەس پێ کردنی کێشەکان بوو، من لە جەرگەی هەل ومەرجيکی وەهادا بەو نەتیجە گەیشتم کە بیروکەی رێفۆرم وچاکسازی لە کەش وهەوای کۆنگرە پێش هات ، بۆنموونە: نەتیجە گیری یەکان لە پشت دەرگای داخراو و مەحفەلیسم وتێبينی يە شەخسیەکان و ناشەفافی ئەتوانێت لە تايبەتمەندييەکانی کۆبوونەوەکانی ئەوسەردەمە بێت. وە من هەر لەو کاتەوە بەو قەناعەتە گەیشتم کە پرۆژەی ريفۆرم و چاکسازی تەنيا وەکوو دروشمێکی بريقەدار بەکارهينراوە بۆ تەسفيە حەسابيکی تەشکيلاتی و بەس! بۆیە هه ر لەوکاتە وە ئینشعاب و لەت کردنی کۆمەڵە هەمیشە گرفتی فکری من بووە ، وە هه روەها بەوقەناعەتەش گەیشتم کە ئيمە نەتەنيا قازانجمان تيا نەکرد بەڵکوو خەسارێکی زۆریشمان لە کۆمەڵە دا.
ئێمە هەمیشە بنەمای فکريمان رەخنەيک بوو لە حيزبی کۆمونیست کە کۆمەڵەی شۆڕشگێڕی زەحمەتکێشانی کوردستانی ئێرانی پێک هينابوو. ئەوە بناغەی فکری هەموومان بووە وئێستاش هەر هەیە. ئێمە لە نەقدی ئەوەوە بە درووست کردنی کۆمەڵەی زەحمەتکێشانی کوردستان نەگەیشتین بویە نەبووین بە خاوەنی بیروکەيەکی جیاواز کە پەسەندی هەموومان بێت. لە راستيدا ئێمە نەبووین بە خاوەنی رەوتيکی سیاسی!
کاک عومەر ئێستا شایەد پێم بڵیت ئەی ئەساسنامە و پرۆگرامێک وا لە کۆنگرە پێشکەش کرا چی؟
بەحەق ئەتوانم ئەوە بڵێم کە ئەوە نەتیجەی دیالۆگ و بیروڕای هاوبەشمان نەبوو وە شەرت نييە ئیلزامەن وابێت بەتایبەت ئەساسنامەی ئەحزاب ورێکخراوەکانی کۆمەڵە جياوازييەکی زۆربەرچاویان پێکەوە نیە. بەهەرحال من هەروەها کە پێشتریش باسم کرد، ئێمە نەبووین بە خاوەن خەتێکی فکری و نەشمان ئەزانی کە ئیختلافەکانمان لەگەڵ حيزبەکەی پيشوومان کامەن؟! وە بە حەق ئەبێت ئەوە قەبوول کەین کە ئێمە پاساويکی قۆرس وقايەممان لە سەرکێشەکان نەبوو. هه وڵێکی زۆرئەدرا بۆداتاشينی کێشە وناکۆکی، بەڵام کەس قەناعەتی پی نەئەکرد! من یەکێک لەوانە بووم کە بەش بەحاڵی خۆم بۆ یەکگرتنەوە هەوڵم داوە چونکە وا بیرم ئەکردەوە کە خۆمم بە بەشدار ئەزانی لە لەت و پەت کردن وتەزعیفی کۆمەڵە، وە هەر ئەو کات باسی ئەوەم کرد کە پێم خۆشە کەسێک پێنج دەقيقە لەسەرکێشە سیاسی يەکانمان بدوێت.
من چەندین جار لەوهەل و مەرجەی وا تێدا بووم ئیستعفام داوە ولێتانی ناشارمەوە کە پایە و ئەساسەکەی بێ هیوایی وناهۆميدی لە سەرکەوتنی ئەم باڵە لە کۆمەڵە بووە کە بتوانیت رۆژيک بە تەنیا سەرکەوێت! هەتا ئەو کاتەی وا لە بازنەی رابەری ئەم رەوتە بووم خۆم بە هاوبەشی چاکە و خراپی يەکانی ئەزانم وحاشای لێ ناکەم و هەرجۆرە رەخنە و لێکوڵینەوەیەکی لە سەر بکرێت خۆمی تيدا بە بەرپرسيار ئەزانم.
وا نزیک بە دوو ساڵ ئەبێت لە بازنەی رابەری ئەم رەوتە خۆم بەرەسمی کشانوەتەوە ونەزەو بۆچوونەکانی خۆمم ڕاگەیاندووە (چ لە پلێنۆم وچ لە کومیتەی رابەری) تەنانەت چەند وتوويژيکی رۆژنامەيی شم کردوە کە بەعەلەنی چاپ کراوە، بێدەنگ نەبووم و لێی تانیشم نەشاردوتەوە.
بەپيێ ئەو بەڵگانەی وا باسم کرد، ئەم قەیرانە ی وا ئێستا بەم شيوەيە تەقیوەتەوە، هەرلە رۆژانی ئەوەڵەوە لەگەڵمان بووە و ئێستاش ئەگەر نەتەقیایتەوە مومکن بووبە جورێکی ترخۆی نيشان بدايە! بەبڕوای من خۆکشانەوەی یەک لە دوای یەکی ئەو کەسانە وا لە بازنەی رابەری ئەم رەوتە بوون بێ مەربووت نیيە بەم قەیرانانەوە! بەکۆرتی نەتیجەيەک وا من گرتوومە ئەوەيە کە پروژەی رێفۆرم و چاکسازی شکەستی هيناوە وئەوەش قسە ی ئێستام نیە!
ئەم قسە هەر من نەم کردووە بەڵکو خەڵکانی تریش لە سەردەمی خۆێدا کردوویانە و زووتر بەم نەتیجە گەیشتوون. من ئەڵێم شکەستی خواردووە ، کاک عومەری بەڕێز جەنابت ئەڵی سەرکەوتوو نەبووین، هاورييانی ئيستامان لە ئۆپوزسیۆن ئەڵێن ڕێفۆرم نەکراوە، دەبينين کە نەتیجەی هەر سێ بیرکردنەوەکە هەر یەک قسەيە! بیستوومە جەنابت ئەڵيی ريفۆرم دەکەین ،بۆچی ميژوو هەڵ ئەگەڕنیتەوە بەرەو دوواوە، ئەمانەم بۆ ئەوە باس کرد کەئەم قەیرانە کەوا ئێستا بەرۆکی پێت گرتووە کتوپڕو یەک شەوە سەری هەڵ نەداوە، وە بەراستی دژە کردەوەی جەنابتم زۆر پێ خراپە و پێم باشە لەسەرکێشەکانی ئەم ماوەيەش کە هاتوتە پێش بۆچوونی خۆم رابگەیەنم.
سەبارەت بە راگەياندنەکەتان لەسەر کاک بارام رەزایی، چەند خاڵێک جێگەی سەرنجن : یەکەم ئیستدلالەکانتان لە مەڕسەرەڕۆیيەکانی هاوڕێ بارام رەزایی. کاک عۆمەر،ئەگەر عاجز نەبیت لێم، ئەمەويت هەرئەوەندە بڵيم کە کاک بارام ئەبێت زۆرسپاست بکات ئەگەر لە بۆاری سەرەڕۆیی دا بە شاگرد و موريدی خۆتی وەربگری!
خاڵيکترلەسەر مەسەلەی داڵدەدان ویارمەتی ئەو تیمانەيە کە گۆيا سەرەرۆیانە رۆشتوونەتەوە، ئەوەڵەن شکەستی ئەو سیاسەتە نیزامیە خۆ تەنیا مەربووت بەو تیمە سەرەڕۆوانە نیە ، جا خۆ ئەوانەش وا بە ڕيکەوتن و رەزامەندی چوونەتەوە بەداخەوە هەرهەموویان ناسەرکەوتوو بوون و ئەم چوار ساڵە تیمی پێشمەرگە چە بە موافقەت وچە بە سەرەڕۆیی چووبێتنەوە، هەر رووبەڕوی شکست و زەرەری يەکجار گەورە بوونەتەوە!هەتا ئێستاش بەرەسمی ئەم سیاسەتە نەدراوەتە بەرليکۆڵينەوە و رەخنە کە ئايا ئێمە چالاکی نيزامی دريژە پی ئەدەين یان نا ، ئایا ئەوە راديکالیزمێکی ناراستەقينە نەبووە لە بەرانبەر ئەحزابی ترەوە؟! نەبوونی رەخنەيەکی جيددی و شەفاف لە سەرچالاکی نیزامی بە شيوەی گشتی لەم باڵەی ئێمەدا، گەورەترين زەمینە خۆش کەر بووە بۆ سەرەڕۆییەکان!
ئەو ئیستدلالانە بۆ حەزف ودەرکردن روو لە کیێە وکێ بە قەناعەت ئەگەێنێت، ئەگەر روو لە تەشکیلاتە وبە مەبەستی پێشگیری کردنە لە سەرەڕۆیی، ئەی کاک عومەر بۆ لە هیچ کۆبوونەوەیکی تەشکیلاتی یان لە هیچ پلێنۆمێک یان لە هیچ کۆبوونەوەێکی کومیتەی ناوەندی باسی ئەوەت نەدەکرد کە کاک بارام سەرەڕۆیە؟ ئەگەرچاو لە ئەدەبیاتی چوار ساڵەی ئەم جەریانە بکەین هیچ وتارو نووسراوەيەکی تێدا نیە کە لە بەرامبەر ئەم سیاسەتە نیزامیە وەستا بێتەوە.
بۆيە بەم جۆرە پەروەندەسازکردنانە ناکرێت بەرپرسايەتی چارەنووسی تاڵ و دڵتەزينی پتر لە ٣٠ کەس لە هيزی پيشمەرگە لە ماوەی چوارساڵی رابردوودا، بخرێتە ئەستۆی کەس يان کەسانيکی دياريکراو وجەنابيشت وەکوو سکريتر و بەرپرسی گشتی هەمووبريارێک خۆت دەربازبکەيت! لە لايەکی ترەوە ئەم پرسيارە گەورە ديتە ئاراوە کە ئايا ئەمنيەت و چارەنووسی ئەو کەسانەی کە هەتا دوينێ ئەندامی کۆميتە ی ناوەندی بوون و ئيستا بە هۆی ناڕەزايەتی دەربڕين حەزف کراون، بە ئەستۆی کی يە؟!
کاک عومەربيرت ئەخەمەوە، زۆر زووتر لە گەيشتنی یەکەم هەواڵی ناخۆش، بەرەسمی ڕامگەیاند کە من نیم لەگەڵ ئەم سیاسەتە وە داوام لە جەنابت کرد کە لەناو دەفتەرەکەتدا بینووسيت بۆ مێژوو کە من نیم لەگەڵ ئەمجۆرە سیاسەتە!
جا لەوانەيە کەس يان کەسانێکيش هە بن کە لێتی قەبووڵ بکەن، ئەی ئەو عالەمە زۆرە وا لێت هەستاونەتەوە چی کە واش دیارە زۆرینەن؟! بەڵام بەو مەرجەی کە زۆرینە بە نەفەر حەساب بکەن وە لەسەر حەسابی ژماردن و ئامار بێت نەک پارە ودەسەڵات!
بەپێی ئەو هەواڵانەی کە رۆژانە گوێبيستی ئەبين، وا ديارە بە نیازی هەموو نەيارەکانت لە ئۆردووگا دەرکەی! ئەی ئەو درووشمە پڕزەرق وبەرقانەت کوان و چييان لێهات وا لەدەمی خۆت ئەمانبيستەوە کە؛ فراکسیوونیزم ئەبێت ئازاد بێت، نەياری سياسی حەقی دەربڕینی نەزەراتی خۆی هەیە وهەموو ئیمکاناتێک لە ئیختیاریدا ئەبێت بۆ ئەوەيکە بیرو ڕا ونەزەراتی خۆێ ڕابگەینێت، دەسەڵات نابێت بۆ توانەوە وحەزفی نەياران تێبکۆشێت. باشە کاک عومەری بەڕێز بۆئەمانە لە بەرامبەر موخالفینی خۆت نابەێتە پێش؟!
ئەم موخالفینە ئەڵێن ڕێفۆرم نەکراوە ،ئەڵین کومیتە ی مەرکەزی سەڵاحیيەتی نەماوە لەبەرئەوەی خەریکە ساڵێک بەسەر کۆنگرە تی ئەپەريت! ئەڵێن زۆربەی کەسانێک وا لە بازنەی رابەری بوون، ئيستا نەماون! داوای کۆنگرە وئاڵ و گۆڕ دەکەن! کاک عومەربۆ ئەتەويت هەموویان دەرکەی؟ گوناحی کەبیرەیان کردوە خۆیان وەک لایەن ڕاگەیاندوە، تەنيا لەبەرئەوەی کە لە تۆ وە سیاسەتەکانی ئەو ڕیبەرایەتی يە بێ هیوا بوون؟!
من ئاوا لە داخوازیەکانی لایەنی ئۆپوزسیۆن تێگەیشتووم وبۆيە بەش بە حالی خۆم چاوەڕی مەتانەت و هەست بە بەرپرسايەتيە کی زۆرتر لە تۆ ئەکەم کە چيترو لەوە زياتر، زەخت و زەبروزەنگ بەرانبەر بە نەيارانی تەشکيلاتيت بەکارنەهينيت!
کاک عۆمەری بەرێز، بريار وابوو ئەم باڵە لە کۆمەڵە ڕابەرايەتی بزۆتنەوەيەکی ڕەوا ومەدەنی و ريفۆرمخوازانە بکات، بەڵام ئەمڕۆ ئەبينين نزيکترين کەسانی خۆمان کە ئەندام و پيشمەرگەی ئەم باڵەن بۆ گەيشتن بە سەرەتايی ترين داخوازييەکانيان دەسيان داوەتە مانگرتن و ئيوەش بە ئاشکرا گوێ خۆتانتان لی داخستوە! بەوهيوايەی ئاکام و دەرئەنجامی سەرجەم ئەم کێشانە چيترو لە وە زياترجيگە و پێگەی کۆمەڵە لاواز نەکات و دڵی دۆژمنانی پی شاد!!
جەلال ناوە
2011.09.27
Ariel Time
.jpeg)
هیچ نظری موجود نیست:
ارسال یک نظر