Subscribe:

Ads 468x60px

۱۳۹۳ فروردین ۲۵, دوشنبه

شاعر ناودار کورد اسد چراغی ئەڕا هەمویشە ماڵاوایی لە ژیان کرد


شاعر ناودار کورد اسد چراغی ئەڕا هەمویشە ماڵاوایی لە ژیان کرد


وە داخ گرانێکوە کەڵە پیاگ شعر و شمشاڵ ئەدەبیات ناوچەێ کرماشان و ایلام چەو لە جهان بەست و سەرئەنجام  لە فەسڵ خوەش کوچ پرەستوەکان ( پلیسرگەکان) ماڵئاوایی لە بیستوین و بنار بەرز داڵەهو و دیار دڵنشین زاگروس کرد.


  جێ داخە کە ئی شاعر شیرین بەێان گورانی زووانە، هەرگز وە ئازادی و ئارامش نەتوانست شعرەکانی  لە ناو خێڵ خوازیارەیل خوەێ بخوەنێت و بڕەسنێتە چاپ.
 تەنانەت وەختێک لە شارە گەورەکان چیە بان سەکو شێعر خوەندن وە زووان پاک و شیرین وەیجورە اعتراض خوەێ رەسانە گوش دوسدارەیل هوشیار خوەێ.
استاد ئەسعەد چراخی شاعر سەرشناس قەیمەترین زووان  زاگروس وەت ” من لەی شار گەورە خوەشهاڵم کە وە تحدید و اختار شێعرخوەندنەکانم قەتع کەن و نوام گرن، چوینکە لە شارەکەێ خوەم سەرپێل برادەران وە سوخورمە (بکس) کوتنە بن دەسم تا هەر وەختێک وە دڵێان نەوی بێ دەنگم کەن ”
هەرچەن دەرەجەێ حورمەت شاعر و شێعر و ئەدەبیات لە ناو ملەتەیل جیاواز گرێ خواردگەسە دەرەجەێ هوشیاری و شعور خەلک ئەو سەرزەمینە، بەڵام وە دەلیل دویاکەفتگی و کەمزانی  بەش فرەێک لە خەڵک کورد کە هەڵبەت خوەێ نەتیجەێ ستەم دژمن و بێ حقوقی نەتەوەێ کوردە، تا ئیسە فرە کەم توانستیمەس قەێر شاعر و ئەدیبەیل نیشتمانمان بگریم.
هەر ئەڕاوە ئوستاد ئەسەد چراخی وە دڵێک پڕ لە داخ و سەرێک پڕ لە شێعر و شێووەن نیشتمان و خەێاڵ خوەش ئەڕا  سەرزەمین زاگروس چوین بازێک چی و هیشتەمانە جێ.
ئەڕا ئاگاداری دوسدارەیل شێعر و ئەدەبیات ئی ناوچە، چەن ساڵ وەرجە ئیسە دژمنان ئی خاک و ئاوە کارێک کردن تا دی زووان ئی شاعر ناودارە نەچەرخێت و نەتوانێت شێعر ئەڕا بیستوین ، داڵەهو خوەیشکە خاسەکەێ لباس کوردی‌پوش بخوەنێت .
جێ داخ گرانە کە ئیجاریچە  جور جاران قەێر ئی حکیم کوردە نەزانستیم و بی ئەوەێک بتوانیم قەێرزانی وە لێ بکەیم لە دەسمان چێ و دی هەرچێ بکەیم زەخم کەمکاریمان  وە لای ئی شاپیاگە سارێژ ناکەێت. یادێ وە 
خەێر و خوەشی
سازمان دموکرتیک یارسان

هیچ نظری موجود نیست:

ارسال یک نظر