Ariel Time
پڕاگ، پڕاگ،
کۆنفرانسێک کە کوردیان تێدا هەرزان کردو فرۆشت. کۆنفرانسێک کە هیچی کەمتر نەبو لە ڵۆزان و سایکۆس بیکۆ.
کۆنفڕانسێک کە بە بێشەرمانەترین شێوە پلانی سڕینەوەی گەلی کورد وەک نەتەوە، تێدا داڕێژرا. بەشدار بوە کوردەکان، بێ نواندنی هیچ هەڵوێستێک دژی ئەو پلانە چەپەڵە، کۆتایان بە کۆنگرە هێنا وە ئیمزای هاوبەشی خۆیان خستە سەر لاپەڕی ڕەشی پان ئێرانی و حاشایان لە بونی خۆیان کردو، لەو نێوانەشدا گەلی کو
رد بۆ قوربانی، کە بە ڕاستی مایەی نیگەرانی وە هەڵوێستە لە سەر کردن و بە توندترین شێوە بەرپرچدانەوەیە.
لە دوایشدا، کوردە بەشدار بوەکان کە هیچ کات نوێنەری ڕاستقینەی گەلی کورد نەبون و ساڵەهایە بەدوا بەرژەوەندە شەخسیەکانیاندا وێڵن، کەوتنە بەر هێرشی کۆمەڵانی قوربانی کراو، بەشدار بوانی پڕاگ زۆر بێشەرمانە ویستیان چاوپۆشی لە خەرابکاریەکانیان بکەن، بەڵام بە هۆی وشیاری بەشێک لە ڕۆژنامە نوس و ڕەوشەنبیر و میدیای دڵسۆزی نیشتیمانمان، بە تەواوی پلانی چەپەڵیان ئاشکرا بو، کە بۆیان دەرکەوت حاشا کردن معاڵەو ناتوانن، ئەوجار بە دوو بەیاننامە وە پاساو هێنانەوە لە بەر چاوی خەڵک ، بەیاننامەی کۆنفرانسی پڕاگیان ڕەت کردوە.
بۆیە پێویستە گەلی کورد ئەوڕو خاوەن ئیرادەی خۆی بێت وە هیچ کات ڕێگا نەدات چەند مێشک ویشکێک بیانفرۆشێت، کە حاشا لە بونی خاکی خۆیان وە نەتەوەی خۆیان کردوەو، بەرژەوەندی شەخسی خۆیان لا گرنگە، وە حازرن گەلی کورد بە دوو بابۆڵەی چەور بفرۆشن.
بۆیە پێویستە وە واجبی سەر شانی هەر تاکێکی کوردە لێپێچینەوە لەو بەشدار بوانە بکات و ڕێگا نەدەن جارێکی تر بە ناوی گەلی کوردەوە بەشداری هیچ کۆنفرانس و کۆبوبنەوەیێک بن.
ئەگەر گەلی کورد ئەوڕۆ بەرانبەر هەر کەسێک دیهەوێت ئیرادەی ئێمە بشکێنێت و خاکی کوردستان و گەلی کوردستان هەڕاج بکات و بکاتە قوربانی، دەنگ هەڵنەبڕێت، سبەی درەنگ دەبێت.
بۆیە داواکارم، لە هەمو تاکێکی کورد، بێدەنگی بشکێنن و ڕونکردنەوەیێکی تەواو لەو بەشدار بوانە بخوازن و هەرگیز جارێکی تر ڕێگا نەدەن، بمانکەن بە قوربانی بەرژەوەندیە بێقیمەتەکانیان کە مرۆڤ شەرمی پێدێت.
سەربەرزی وە سەرکەوتن بۆ گەلی کورد.
/////////////////////////////
.jpeg)
هیچ نظری موجود نیست:
ارسال یک نظر