درۆی بی بنەمایی ئیرانی چیەکانی کورد ئەوانی وا بەرژەوەندی خۆیان پی باشترە تا بەرژەوەندی گەشتی

درۆی بی بنەمایی ئیرانی چیەکانی کورد ئەوانی وا بەرژەوەندی خۆیان پی باشترە تا بەرژەوەندی گەشتی

رۆژەیک لە گەل ریکخراوەی سەوەزدان رۆژەیک لە گەل سەلتەنەت تەلەبەکاندان رۆژەیکی دیکە  خۆیشیان نازانن بیرۆکەکیان برۆ کام لا دروات. رۆژەیکی دیکە  بەرنامەی تایبەت درۆست دەکەن بە ناوەی ناوچەی کرماشان خۆیان دەکەن بە پرۆفیسۆرەی درۆ و دەلسە

لە هەڵمەتى رەشکردنى پژاک هەندێک لەو پارتیانە بەتوندى و رەقئەستوریش وەک: کۆمەڵەى سەر بە "عەبدوڵا موهتەدى" و باڵێک لە حیزبی دیموکرات واته باڵى "مستەفا هیجرى"، زۆر بە توندى پڕۆپاگەندە دژى پژاک دەکەن. هەندێ جار دەڵێن پژاک ئێران دروستى کردووە، هەندێ جار دەڵێن رەسەن نیە، هەندێ جار دەڵێن پەکەکە بۆ بەرژەوەندى خۆى دروستى کردووە، هەندێ جار بە پەکەکە دەڵێن تەنها هى باکورە، هەندێ جار دەڵێن ئاپۆ گوتویەتى نەنکم تورکەوە، هەندێ جار دەڵێن دواى لێبوردنى لە دایکى سەربازانى کوژراوى تورک کردووە، هەندێ جار پێدەکەنن و دەڵێن ئاپۆ کۆتربازە، هەندێ جار بێ هیچ بەڵگەیەک تۆمەتى تیرۆر دەدەنە پاڵ ئەو پارتە. 

جار جاریش بەرپرسەکانیان بۆینایخێک دەبەستن، گۆیا رۆشنبیرن، بۆ لاى بى بى سى و دەنگى ئەمریکا. بێگومان ئەم شتانە هەندێکیان لە زهنییەتى دوگمى دەوڵەتگەرا و دەسەڵاتخوازى ئەواندا جێ ناگرێ و بە رەواشى نازانن "ئەگەر" کەسێک هەبێ دایکى تورک بێ و بەرگرى لە مافى نەتەوەیەک بکا، بە رەواى نازانن "ئەگەر" کەسێک بۆ ئاشتى داواى لێبوردن وەک دەسپێشخەرى لەو دایکانە بکات کە رۆڵەکانیان لە شەڕدا کوژراون. هەندێکیش لەو پڕۆپاگەندانە منداڵانەن بەڵام هەر ناخۆشن. ئەوانە گەر تەنگاویان نەکەى ئەوە چاوپۆشیش لە هەموو خەباتى ئاپۆ دەکەن و هەوڵیش دەدەن فەلسەفەکەى تێکەڵ بە تاکپەرەستى بکەن و بڵێن ئاپۆ دیکتاتۆرە. هیچیش بیر لەوە ناکەنەوە چ عەشقێک لە ئاپۆدا شاراوەیە کە زۆرینەى گەلانى کوردستان و ئازادیخوازان هۆگرى ئاپۆن و بەردەوام دەیخوێننەوە و ئەگەریش خۆیان بە دژمنیشدا بتەقێننەوە هێشتا ئاسودە نابن. چ ئەشقێک هەیە بە سەدان کەس وەک پەپولە گیانى خۆیان بە کڵپەى ئاگر سوتاند، هیچ بیریان لە مەزلوم دۆغان و ڤیان، بێریتان و ئەلفتریاى بە رەگەز یونانى نەکردەوە کە ئەوانە بە چ فەلسەفەیەک کاریگەر بوون.

بەڵام هەندێکیش لەو قسانە بە زیرەکى دەکرێن، نمونە پژاک هەمان پەکەکەیە بەو مەبەستەیە تا پژاک وەک پەکەکە بکەوێتە لیستى تیرۆرەوە و چالاکییەکانى ئەوروپاى ئاستەنگ بکرێ. چۆن خۆیان بە ریشسپى و دمڕاسى رۆژهەڵات دەزانن و کەس بۆى نیە باسى پاوانەکەیان بکات، وەکو ئەوەى گەلى کورد و رۆڵەکانى ئەو پارچەیە ئەم خاکە بە بەشێک لە خۆیان نەزانن یا هەر لە وڵاتانى دوورەوە هاتبن و کورد نەبن، جار جاریش داوا دەکەن پەکەکە چەک دانێ وەک نیلسون ماندیلا وتى گەر داگیرکارى خاکى کوردستان، زمان و فەرهەنگ کۆیایى پێ بێت، ئەو کات چەکەکان خۆیان بێدەنگ دەبن

.

////////////////////////////

پارتى ژیانى ئازادى کوردستان (پژاک)، لەسەر بنەماى ئازادی رەگەزى، دیموکراسى و ژینگەپارێزى بۆ دیموکراتیزەکردنى گەلانى ئێران هەوڵ دەدات و بە پلەى یەکەم تێدەکۆشێ گەلەکەى لە بەرامبەر زوڵمى هێزەکانى دەوڵەتدا بپارێزێ یانیش وا لە گەڵ بکات کە بتوانێ خۆى، خۆى بپارێزێ و بۆ ئەمەش لە بوارى فکرى وەک بزوتنەوەیەکى رۆشنگەرى لە رێگاى کتێبەشەوە هەنگاوى ناوە.

بێگۆمان بیرمەندى ئەم فکریەش ئەوە "عەبدوڵا ئۆجەلان"ە و سیستمەکەش کۆنفدرالیزمى دیموکراتیکە و زۆر جاریش بە کۆمەڵگاى دیموکراتیک بەناو دەکرێ، هەروەها ئەلتەرناتیڤى سیستمى مۆدێرنیتەى سەرمایەداری جادوگەرە. 

عەبدوڵا ئۆجەلان لە زانکۆ دەستى بە تێکۆشان کردووە و بە وتەى "کوردستان بندەستە"، هاوڕێکانى لەخۆى کۆ دەکاتەوە و هەنگاو دەنێ، بێگومان ئەم فکرەیەى ئاپۆ دوگم نیە و بەردەوام گەشەى کردووە و وەک ئایدۆلۆژیاى لێگەڕینى ئازادى بەناو کراوە و لەگەڵ زانستى کوانتۆم و تایبەتمەندى ئۆستورەیى و ئەدەبى (کراوەبوون)، یەک دەگرێتەوە. لە ئێستادا لەسەر ئەم فکرەیە سیستمى کۆما جڤاکێن کوردستان وەک چەترێکى کۆنفدرالیزمى دێموکراتیک بوونى هەیە و لە ژێر ئەم چەترەیەش کۆمەڵێک پارت وەک: پارتى کرێکارانى کوردستان، پارتى ئازادى ژنانى کوردستان، پارتى یەکێتى دیموکراتیک، پارتى چارەسەرى دیموکراتى کوردستان و پارتى ژیانى ئازادى کوردستان کە زیاتر لەسەرى قسە دەکەین بوونى هەیە و چەندین تەڤگەر لە بەشەکانى کوردستان وەک: کۆنگرەى جڤاکى دیموکراتیک، تەڤگەرى ئیزیدییەکان، جۆڵانەوەى هاوڵاتى ئازاد و یەکسان، تەڤگەرى جڤاکى دیموکراتیک لە رۆژئاواى کوردستان کە لە ئاستى هەرە چالاک دایە، بوونى هەیە و بە سیتسمى تاکسەرۆکى بۆ هاوسەرۆکى گۆڕاوە. ئەوە بۆ پاراستنى گەلیش هێزى پارستنى گەل، یەکینەکانى ژنانى عەشتار، یەکینەکانى پاراستنى گەل و هێزەکانى رۆژهەڵاتى کوردستان بوونیان هەیە.

پارتى ژیانى ئازادى کوردستان کە لە چوارچێوەى رۆژهەڵاتى کوردستان و ئێران کار دەکات، پارتێکى دەوڵەتگەرا نیە، لە حەرەکەتەکەدا ژنان و گەنجان رۆڵى پێشەنگ دەگێڕن، باوەڕى وایە تا ژن ئازاد نەبێت کۆمەڵگا ئازاد نابێت. مرۆڤ وەک ناوەندى ژینگە نابینێ، بەڵکو وەک بەشێک لە ژینگە و تەنانەت خودى ژینگە سەیرى دەکات. وا سەیرى دیموکراسى دەکات کە گشت رەنگەکان بە تایبەتمەندى خۆیان خۆیان بەرێوە بەرن و رەنگى هیچ نەتەوەیەک بەسەر نەتەوەیەکیتردا فەرز ناکرێ، یاساکان بە گوێرەى دانیشتوانى هەمان ناوچە دەبن، نەک وەک دەبینین شەڕ بکرێ ئایا ئیسلام سەرچاوەى یاسا دانان بێت یا نەبێت. ئاین لە کۆمەڵ ناستێنێتەوە و پەراوێزى ناخات. شێوەزارەکان بە دەوڵەمەندى سەیر دەکات و شێوەزارێک بەسەر شێوازێکیتر فەرز ناکرێ، بەڵکو وەک تایبەتمەندى هەرێمى لە لایەن دانیشتوانەوە کارى پێدەکرێ و بەردەوام پێوەندى، کار تێکردن و بەگاریگەر بوون لەئارا دایە. لە تێڕوانینى پژاکدا کوردستان یەکە، گەلى کورد یەکە و بەم پێیەش بە گوێرەى رەچاوکردنى خەباتى پارچەکان گەر پێویست بکات دەبێتە کۆتر و گەر پێویست بکات دەبێتە باز. سنور بۆ شارە کوردییەکان دیارى نەکراوە و هەوڵى پێکەوەژیان دەدات تا گشت گەلانى ناو جوگرافیاى کوردستان و ئێران بە رەنگى خۆیان خۆیان بەرێوەبەرن، واتا پژاک کەس بەرێوە نابات، بەڵکو دەبێ خەڵک لە گوند و شار خۆى خۆى بەرێوە ببات و داینامۆ و پێشەنگى ئەم خۆبەڕێوەبردنەش پژاکە کە رۆڵە فیداییەکانى گەل پێکهاتووە، ئەوە خاڵێکە کەم کەم کەس بۆى هەزم دەکرێت و تایبەت ئەو حزبانەى کە دەیانەوێت سیستمێکى کارتۆنى (کڵاوێک) لە دەرەوە لەگەڵ ژمارەیەک ئۆپۆزسیۆنى پان ئێرانیست بۆ خەڵک بدرون و بە زۆر بە سەرى خەڵکى داکەن.

لە بەرامبەر ئەم زهنیەتە و ئەم فکرە هەر لە سەرەتاوە کۆمەڵێک پارت _ کە بە گوێرەى زهنییەتى دەوڵەتگەرا کە باگراوەندى پیاوسالاری هەیە، خۆیان وەک شوانێک بەسەر خەڵکدا فەرز دەکەن و وا بیر دەکەنەوە و ئەوان دەبنە دم راستى خەڵک _ دەستیان بە دژمنایەتى پژاک کرد، کە لە ئایدۆلۆژیاى پژاک دا تەنها خەڵک دەتوانێ چۆنیەتى ژیانى دیارى بکات و خۆى بەڕێوە بەرێت و کڵاوەکانى دەرەوە و کۆبوونەوە داخراوەکانى ژمارەیەک کەس بەناوى خۆیانەوە پەسەند ناکات، خەڵک خۆى دەیەوێ یاریزان بێت نەک تەماشاچى.