Subscribe:

Ads 468x60px

۱۳۸۹ اسفند ۱۹, پنجشنبه

حیزبه‌کانی رۆژهه‌ڵات بوونی خۆیان لەحەزفی یەکتر ئەبینن


حیزبه‌کانی رۆژهه‌ڵات بوونی خۆیان لەحەزفی یەکتر ئەبینن


عەبدوڵا کۆنەپۆشی ناسراو بە عەبە دلێر، که‌ لەساڵی 1979ه‌وه‌ پێشمەرگەی کۆمەڵەو ئەندامی کۆمیتە ناوچەی مەریوان بووە. لەساڵەکانی 1984 تا 1989 لەفەرماندەکانی کۆمەڵە بووە، پاشان ئەندامی دەفتەری سیاسی‌و بەرپرسی نیزامی کۆمەڵە بووەو بەرپرسیاریەتی چەندین ئۆرگانی کۆمەڵەی لەئەستۆدا بووە، له‌سەردەمی ساغکردنەوەی کۆمەڵه‌دا لەکادرە چالاکەکان بووە‌و دواتر بە هۆی کێشەی سیاسی‌و تەشکیلاتییەوە له‌حیزبی کومەڵەی شۆڕشگێڕ (باڵی عه‌بدوڵای موهته‌دی) جیابووه‌و بۆ ماوەی زیاتر له‌٢ ساڵ بەرپرسی رەوتی یەکگرتنەوەی کۆمەڵە‌و هەروەها پێشەنگی گەڕانەوەی حیزبە رۆژهەڵاتیەکانە بۆ شاخ‌و دەرباز بوون لەژیانی کەمپنشینی بوو. یەکەم رۆژی نەورۆزی ساڵی ٢٠١٠، لەگەڵ پارتی سۆسیال دیموکراتی کوردستان (رۆژهەڵات)، کۆمەڵە-پارتی سۆسیال دیموکراتی کوردستانیان پێکهێنا. ئه‌و که‌ ئێستا ئەندامی ناوەندی راپەڕاندنی ئەو حیزبەیە‌و لەقەندیل سەرپەرشتی هێزێکی پێشمەرگە دەکات، له‌م گفتوگۆیه‌ی ئاوێنه‌دا ده‌ڵێت "ئێران توانیویەتی نفوز بکاتە نێو بەدەنەنی کادرەکانی حیزبە رۆژهەڵاتیەکان‌و بە هەموو شێوازێک هەوڵی رووخان‌و له‌ناو چوونی یەکجارەکیان بدات".

بۆچی‌ قه‌ندیلتان هه‌ڵبژارد؟


- عه‌به‌ دلێر: بەبڕوای من قەندیل ئەمڕۆ رەمزی بەرخودانی نەتەوەی کوردە. لەکەمپنشینی‌و باشووره‌وه‌ ناتوانین چارەنووسی خۆمان لەڕۆژهەڵات دیاریبکەین. ئەو ژیانەی دانیشتووانی کەمپەکان هەیانە خەڵکی رۆژهەڵات نیەتی‌و دەبێت لەپێناو بژێوی ژیانی رۆژانەیدا گیانی فیدا بکات تا پاروە نانێک بۆ بنەماڵەکەی دابین بکات. ئەمە چ پێشمەرگایەتییەکە؟ ئایا ئەو خەڵکە پێشمەرگەن یان دانیشتووانی کەمپەکان؟

خەڵکانێکی بێئەژمار لەخەڵکی ئێمەی رۆژهەڵات کە هەتا بڵێی سەربەرز‌و شاناز‌و خۆفیداکار‌و خاوەن قوربانین، ناچاری ئەو جۆرە ژیانە کراون، کە من دڵنیام لەدڵی خۆیاندا نەفرەتی لێدەکەن‌و پێیانناخۆشە‌و دەیانەوێت لێی رزگار بن، بەڵام هەندێک جار دەرفەت نییە یان زەحمەتە، بەتایبەتی ئەگەر ژن‌و منداڵت لەگەڵ بێت، یان ژیان‌و بژێوی رۆژانەت لەگیرفان‌و دەستی یەک دووانێکدا بێت. جگە لەوە ژیانی باشور بووەتە بڵنگۆیەکی خراپ بۆ رۆژهەڵاتییەکان. لاوانی رۆژهەڵات بەهەزاران ئاواتەوە دێنە ناو ئەم کەمپانەو رەنگە بۆ زۆر کەس دوا‌ وێستگەی ئاواتەکانی ژیانی بێت کە پێشمەرگە بێت‌و خەبات بکات، بەڵام هەر له‌بیدایەتەوە ئاواتەکانیان دەخنکێندرێت‌و پۆل پۆل رەوانەی بازاڕی کار‌و کرێکاری دەبن لەنێو شارەکانی باشوردا. بێ هیوا‌و بێ متمانە بەهەر شوڕش‌و شۆڕشگێڕێک. ئەمە کەی خزمەتە بەنەوەی ئەمڕۆی خەباتی کورد؟ زیاتر له‌٢٠ ساڵ کەمپنشینی هیچ دەستکەوتێکی نەبوو. ئێمە بەش بەحاڵی خۆمان تا دەرفەتمان لەبەردەستدا بێت لەدەرەوەی کەمپنشینیدا خەبات دەکەین. لایەنی دیکە کەیفی خۆیانە چ جۆرێک لەکار‌و خەبات هەڵ دەبژێرن. ئێمە لەو رووەوە قسەیەکمان نییە.


چۆن له‌چالاکی ئیتڵاعاتی ئێران ده‌ڕوانیت له‌نێو که‌مپه‌کاندا، وه‌ک ئاشکرایه‌ ماوه‌یه‌ک له‌مه‌وبه‌ر کۆمه‌ڵه‌ی‌ زه‌حمه‌تکێشان رایگه‌یاند سیخوڕیان تێدا بووه‌و دواتر وتیان سیخوڕه‌که‌ هه‌ڵاتووه‌؟

عه‌به‌ دلێر: ئەوەی ئاشکرایە ئەوەیە کە ئێران توانیویەتی نفوز بکاتە نێو بەدەنە‌و کادرەکانی حیزبە رۆژهەڵاتییەکان‌و بە هەموو شێوازێک هەوڵی رووخان‌و له‌ناو چوونی یەکجارەکییان بدات تا ئەو ئاستەی کە بۆ خۆیان دان بەوەدابنێن کە کۆماری ئیسلامی‌و دامودەزگا سیخوڕیەکەی رەخنەی کردووتەوە ناویان‌، هه‌موو حیزبەکانی رۆژهەڵات ئیتڵاعاتیان تیایه‌. هەموو ‌وردەکارییەکانی کۆنگرەی حیزبێک لەلایەن ماڵپەڕەکانی سەر بەئیتڵاعاتی ئێرانەوە بڵاوئەکرێتەوە، لەکاتێکدا رەنگە ئەندامانی ئەو حیزبە کە لەکۆنگرە بەشدار نەبوون ئاگاداری ئەو‌ وردەکاریانە نەبن کە نیشانەی ئەوەیە تا ئاستێکی بەرز رەخنە کراوەتە نێو حیزبەکان‌و لەوە دەرچووە کە پێشمەرگەیەکی سادەو تازە سیخوڕی بۆ رژێم بکات‌و نیشانەی کاری درێژ ماوەی دەزگاکانی جاسوسی ئێرانە.

گرنگترین هۆکاریش بە بڕوای من بەستێنێکە کە خودی حیزبەکان فەراهەمیان کردووە، ئەویش ژیانی کەمپنشینییە کە مەجالی فراوانی تێدایە بۆ کاری سیخوڕی له‌لایەن دەزگاکانی ئیتڵاعاتەوەو هەروەها کێشەکانی نێو حیزبەکان‌و له‌دەستدانی هێزو کادرو جەماوەر وای کردووە کە بە بێ هیچ مەرجێک هەموو کەس له‌ناو ئەو حیزبانە جێگای هەبێت. جیا لەوانەش هیچ پەروەردەیەک نییە کە ئەگەر کەسێک بە نیەتی خراپەوە هاتبێت بە پەروەردە بیری ئەو مرۆڤەش بگوڕدرێت‌و بۆ خۆی بڕیار بدات کە سیخوڕی نەکات.


په‌یوه‌ندیتان له‌گه‌ڵ پژاک چۆنه‌ که‌ ئێوه‌ تۆمه‌تبار ده‌کرێن له‌لایه‌ن پژاکه‌وه‌ هاوکاری‌ ده‌کرێن؟

عه‌به‌ دلێر: وشەی تۆمەت بۆ شتێک بە کار ئەبرێت کە تاوان بێت. ئەگەر یارمەتیدانی پژاک بە ئێمە کە حیزبێکی رۆژهەڵاتی کوردستانە‌و کوردن تاوانە، ئەی ئەوانەی وا ئەو تۆمەتە له‌ئێمە ئەدەن بە خۆیان ئەڵێن چی کە له‌هەموو دۆست‌و دوژمنی کورد تەنانەت له‌سەردەمێکدا کە سەدام کوردی ئەنفال دەکرد‌و قەتڵی عامی دەکرد له‌بەغدا مەقه‌ڕیان هەبوو مووچەیان له‌لایەن بەعسەوە بۆ بڕابووە‌و ئێستاش چەکەکانی شانیان‌و فیشەکەکانیان هی دەورانی حکومەتی بەعسە کە پێیانی داوە، یان له‌زۆر لایەنی غەیری کورد بە ئێستاشەوە پارەی مانگانە وەردەگرن، ئەمانە بە خۆیان ئەڵێن چی‌و چ ناوێک له‌خۆیان ئەنێن؟ ئێمە چ ئەو کات کە بەناوی رەوتی یەکگرتنەوەی کۆمەڵە‌و پاش گواستنەوەی هێزەکانمان بۆ قەندیل‌و چ ئێستایش وەکو کۆمەڵە_ پارتی سۆسیال دیموکراتی کوردستان بەڕوونی باسی ئەوەمان کردووە کە پژاک یارمەتی لۆجستیکیمان ئەکات‌و تاکە حیزبێکی کوردستانە کە لەبارودۆخێکی زۆر دژواردا یارمەتیدەری ئێمە بووە. جێی داخە کە هاوکات هەندێک لەهاوسەنگەرەکانی پێشوومان تەقەیان لێمان دەکرد‌و هەڵیاندەکوتایە سەر خەیمەکانمان، یان رایان دەکرد‌و تەنانەت ئێستایش را دەکەن بۆ لای ئاسایشی سلێمانی‌و دەزگای زانیاریی تا پەروەندە سازیمان بۆ بکەن. قسەو قسەڵۆکێک هەڵدەبەستن کە تا ئەو رادەیە سووکە مرۆڤ له‌ڕووی هەڵنایەت روو بە نەتەوەی خۆی باسی بکات، چۆن دەزانین کوردی دڵسۆز دڵی بە باسی لەو جۆرە دەئێشێت. هۆکاری ئەم پڕوپاگەندانە زۆرن، بەڵام بە بڕوای من دوو هۆکاری سەرەکییان هەیە، یەکەم دژایەتیکردنی بیری سەربەخۆیخوازیی‌و پشتبەخۆبەستن‌و سیاسەتی روون، دووهەم بەخیلی سیاسیی‌و پاوانخوازیی. پژاک کە وەک هێزی گەنج‌و تازە پێگەیشتوو توانی بەپراکتیکی خۆی پێگەیەکی باشی هەبێت له‌کوردستان‌و تەنانەت لەو ناوچانەش کە تا ئێستا رەنگە هیچکام له‌حیزبە رۆژهەڵاتییەکان وەکو کوردستانیش سەیریان نەکردووە‌و بە کوردیشیان نازانن، پژاک پێگەی هەیەو کێشەی نەتەوەی کوردی لەو ناوچانەش‌ وروژاندووە. لەکاتێکدا کە حیزبە رۆژهەڵاتییەکان سەرقاڵی لێکترازان‌و کێشەی ناوخۆیی‌و قسەو قسەهەڵواسینن بۆ یەکتر، ئەوان بەپەروەردەی کادرەکانیانەوە سەرقاڵن. حیزبەکانی رۆژهەڵاتی کوردستان بە کردەوە ئەوەیان سەلماندووە کە بێجگە لەخۆیان بوونی کەسی دیکە قبووڵ ناکەن‌و هەموو هەوڵیان دەخەنە گڕ بۆ لەناوبردنی لایەنی تازەو کەسانێک کە له‌گەڵیان نەبن تەنانەت ئەگەر بە قیمەتی لەناوچوونی خۆشیان بێت. ئەمەیە کە بە هەموو شێوازێک له‌دژی یەک سەنگەر دەگرن، بۆیە بوونی خۆیان لەحەزفی یەکتر ئەبینن ئەمە راستییەکی تاڵە کە دەیزانین‌و دەبێ بیزانین، چونکە گەورەترین زیان لەم چەشنە بیرکردنەوانە بە خەڵکی کوردستان‌و بزووتنەوەکەی گەیشتووە.

///////////////////////////////////////////////////
رئیس جنایتکار باصطلاح دادگستری تهران چه میگوید؟

رییس کل دادگستری استان تهران اذعان کرد که بسیاری از بازداشت های خیابانی، به طور کور و تصادفی صورت می گیرد که آشکارا غیر قانونی است. او خاطرنشان کرد: هم‌اکنون افراد را دستگیر می‌کنند، بعد از دستگیری کسانی که لغزیدند یا رهگذرند آزاد می‌شوند!

پیک ایران، سیدعلیرضا آوایی در جمع خبرنگاران در پاسخ به سوالی درباره تعداد آمار افراد بازداشت شده در تجمع روز سه‌شنبه ۱۷ اسفند گفت: آمار دقیقی ندارم این سوال را باید از دادستان بپرسید.

وی در پاسخ به این سوال که آیا برنامه‌ای برای برخورد با تجمعات غیرقانونی که در گوشه و کنار تهران انجام می‌شود دارید؟ گفت: این کار الان انجام می‌شود‌، هم‌اکنون این افراد را دستگیر می‌کنند، بعد از دستگیری کسانی که لغزیدند یا رهگذرند آزاد می‌شوند تا افرادی که برنامه‌ریزی شده باشند، مسبب باشند و بخواهند امنیت را بر هم بزنند قطعا دستگاه قضایی هم آنها را نگه می‌دارد و هم برخورد قانونی با آنها می‌کند.

این گفته ی رییس دادگستری در حالی بیان شده است که بر اساس قانون، بازداشت افراد فقط با ارائه ی حکم و وجود اتهام مشخص امکان پذیر است و در واقع رییس دادگستری استان تهران به شیوه ای اعتراف کرده که در بازداشت های فله ای معترضان پس از انتخابات به کار گرفته می شد.



هیچ نظری موجود نیست:

ارسال یک نظر