Ariel Time
مه‌به‌ست له هێرشه‌کانی تورکیا بۆسه‌ر هه‌رێمی کوردستانی عێراق چیـیه؟
تورکیا هه‌روا خه‌ریکه هێزه‌کانی له‌سه‌ر سنوری کوردستانی عێراق کۆده‌کاته‌وه پێش هێرشی به‌زاندنی سنوری چاوه‌ڕێکراو به‌دژی سه‌رهه‌ڵداوانی پارتی کرێکارانی کوردستان په‌که‌که. به دواییانه، توندو تیژی له زیادی داوه نێوان سه‌رهه‌ڵداوان و هێزه‌کانی حکومه‌ت.
سه‌باره‌ت به‌م هێرشانه و په‌یوه‌ندیه‌کانی نێوان حکومه‌تی هه‌رێم و تورکیا که هاوپێه‌یانی سه‌ره‌کی بازرگانی هه‌رێمی کوردستانی عێراقه، موعته‌به‌ر شێروانی گفتوگۆی سازداوه له‌گه‌ڵ هانێس ئارتنز، توێژه‌ری پله‌ی دکتۆرا و وتارده‌‌ری یاریده‌ده‌ر له به‌شی توێژنه‌وه‌کانی نیژادی-سیاسی له زانکۆی ئێکسێتر له به‌ریتانیا که ده‌ڵێت له 30 ساڵی ڕابردو، ئه‌م شێوازه‌ی شه‌ڕی نێوان تورکیا و په‌که‌که‌مان بینیوه که په‌لاماری هه‌رێمی کوردستانی عێراق ده‌دات و هاووڵاتیانی مه‌ده‌نی له‌وێ که هیچ په‌یوه‌ندیان به شه‌ڕی په‌که‌که وتورکیاوه نیـیه زیانیان پـێـده‌که‌وێت.
ئارتنز كه شاره‌زایه له‌سه‌ر کورده‌کانی عێڕاق، په‌که‌که، تورکیا ده‌ڵێت بۆیه مرۆڤ ده‌بێت پرسیار بکات ئایا ئامانجی ڕاسته‌قینه‌ی ئه‌م کرداره سه‌ربازایانه‌ی له‌شکر و حکومه‌تی تورکیا لاوازکردن یانیش نه‌هێشتنی هه‌ڕه‌شه‌ی په‌که‌که‌یه؟ ئه‌و پێی وایه مه‌به‌سته‌که ئه‌وه نیـیه. ئارتنز ده‌ڵێت،” ئه‌م هێرشانه به هیچ شێوه‌یه‌ک له خزمه‌ت دۆزینه‌وه‌ێ چاره‌سه‌ری ئاشتیانه بۆ کێشه‌ی کورد له باکوری کوردستان،تورکیادا نیـیه.” ئه‌و هه‌روه‌ها ده‌ڵێت په‌که‌که‌ش به هێرشه‌کانی بیانو ده‌داته ده‌ست تورکیا ده‌ست له‌و هێرشانه له هه‌رێمی کوردستانی عێراق بدات و حکومه‌تی هه‌رێم به تایبه‌تی له پاش ده‌رچوونی هێزه‌کانی ئه‌مه‌ریکا زیاتریش له مه‌ترسی ده‌که‌وێت.
ئارتنز ده‌ڵێت هه‌موو لایه‌نه سه‌رکیـیه‌کان سوودیان له‌م باره وه‌رگرتووه. له لایه‌که‌وه تورکیا په‌که‌که وه‌ک کارتی گوشار بۆ سه‌ر حکومه‌تی هه‌رێم به‌کار دێنێت له لای تره‌وه، حکومه‌تی هه‌رێمیش په‌که‌که وه‌ک کارت به کار دێنێت. ئه‌و ده‌ڵێت په‌که‌که‌ش له چیای قه‌ندیل دانیشتووه چونکه ده‌زانێت ئه‌گه‌ر بگه‌ڕێته‌وه و ژیانی مه‌ده‌نی ده‌ست پێ بکات، ‘نفوزی’ به‌سه‌ر سیاسه‌تی کورد له تورکیا و به‌سه‌ر تورکیا نامێنێت.
دەنگی کوردی ئەمریکا
----------------------
“ئێران به‌رێككه‌وتن هاته چیای جاسوسان”
كونسولی گشتی ئێران له هه‌ولێر، رایگه‌یاند كه بۆ نه‌هێشتنی گرژییه‌كانی سه‌ر سنوور له‌گه‌ڵ به‌غدا و هه‌رێمی كوردستان گه‌یشتوونه‌ته “چاره‌سه‌رێكی جێی ره‌زامه‌ندی”.
گوتیشی كه لێكگه‌یشتن له‌نێوان ئه‌وان و عێراق و هه‌رێمی كوردستان دروستبووه “بۆئه‌وه‌ی هه‌رلایه‌ك ئه‌ركی خۆی جێبه‌جێ بكات و ئاسایشی سنووری خۆی بپارێزێ”.
سه‌ید عه‌زیم حوسێنی، له‌باره‌ی ئه‌ركی هه‌رێمی كوردستانیش له‌پاش ئه‌و رێككه‌وتنه بۆ(رووداو) گوتی “ئه‌وه‌ی ده‌كه‌وێته سه‌ر هه‌رێمی كوردستان ئیلتیزامێكی نێوده‌وڵه‌تی و یاساییه، پێویسته هێزێكی چه‌كداری فه‌رمی كه سه‌ر به هه‌رێمی كوردستان بێ له سنووره‌كان جێگیربێت”.
حوسێنی ره‌تیكرده‌وه كه بۆ ئه‌و رێككه‌وتنه، له‌گه‌ڵ پژاك گفتوگۆیان كردبێ و گوتی “رێككه‌وتنی ئێمه له‌گه‌ڵ حكومه‌تی هه‌رێمی كوردستانه”.
به‌ڵام دكتۆر سه‌یدخان، به‌رپرسی په‌یوه‌ندییه‌كانی پژاك به(رووداو)ی گوت “به نێوبژیوانی حكومه‌تی هه‌رێمی كوردستان ئاگربه‌ستمان به‌رامبه‌ر ئێران راگه‌یاند و هیوادارین ئێرانیش ئه‌و ئاگربه‌سته له‌به‌رچاوبگرێ و كێشه‌ی كورد چاره‌سه‌ر بكات، چونكه هه‌م ئێران و هه‌م كوردیش قازانج له‌وه ده‌كات”. سه‌باره‌ت به‌دانیشتنی راسته‌وخۆیان له‌گه‌ڵ ئێران گوتی “به‌ڵێ دیداری راسته‌وخۆ هه‌بووه”.
نازم ده‌باغ، نوێنه‌ری حكومه‌تی هه‌رێمی كوردستان له تاران، ره‌تیده‌كاته‌وه كه دانیشتنی راسته‌وخۆ له‌نێوان ئێران و نوێنه‌رانی پژاك به‌ئاماده‌بوونی حكومه‌تی كوردستان روویدابێت، به‌ڵام گوتی “راگرتنی شه‌ڕ و پێكدادان له‌نێوان پژاك و ئێران به ناوبژیوانی هه‌رێمی كوردستان بووه، ئه‌مه‌ش هه‌مووی دوای ئه‌وه هات كه نێچیرڤان بارزانی سه‌رۆكایه‌تی شاندێكی هه‌رێمی كوردستانی كرد بۆ ئێران بۆ ئه‌وه‌ی كێشه‌ی نێوان پژاك و ئێران به رێگه‌ی ئاشتی چاره‌سه‌ر ببێت”.
هه‌ر له‌وباره‌وه به‌رپرسێكی ئاگاداری حكومه‌تی هه‌رێمی كوردستان رایگه‌یاند كه ئه‌و رێككه‌وتنه به ناوبژیوانی هه‌رێمی كوردستان كراوه و هه‌ردوولا رازین به‌وه‌ی هێزی پێشمه‌رگه بچێته سه‌ر سنووره‌كان. هه‌روه‌ها ئه‌حمه‌د ده‌نیز به‌رپرسی په‌یوه‌ندییه‌كانی PKK به(رووداو)ی راگه‌یاند هاتنی ئێران بۆ چیای جاسووسان، به رێككه‌وتنی نێوان پژاك و ئێران بووه.
ڕووداو.
/////////////////////////
حکومه‌تی هه‌رێمی کوردستان و گه‌لی کورد دژ به هاتنی هه‌ر هێزێکی تورکیدان بۆ هه‌رێمه‌که
ماوه‌یه‌ک له‌مه‌و پێش له له‌یه‌ن په‌ڕله‌مانی کوردستانه‌وه سه‌باره‌ت به مانه‌وه‌ی ئه‌و هێزانه‌ی تورکیا که بۆ ماوه‌ی چه‌ندین ساڵه له کوردستانی عێراقدا جێگیر بوونه بریارێک ده‌رچو، به‌ڵام تا ئێستا نه‌ک هه‌ر ڕوون نییه ئه‌و هێزانه بکێشنه‌وه به‌ڵکۆ له میدیاکاندا و له زاری سه‌رۆک وه‌زیری تورکیا وا هاتوه گوایه تورکیا نیازی هه‌یه له ناردنی پینج هه‌زار سه‌ربازی تر بۆ هه‌رێمه‌که که بۆ هه‌میشه له‌وێدا بمێننه‌وه.
جه‌مال تاهیر ئیبراهیم ئه‌ندام په‌ڕله‌مانی کوردستان له هه‌ڤپه‌یڤینێکدا له‌گه‌ڵ به‌شی کوردی ده‌نگی ئه‌مریکا ده‌ڵێت په‌ڕله‌مانی کوردستان له کۆبونه‌وه‌یه‌کی نه ئاساییدا له 25/8 چه‌ند ڕاسپارده‌یه‌کی ده‌رکرد که یه‌کێکیان ئه‌وه بوو هه‌ر هێزیکی بیانی و به هه‌ر جۆریک بن ده‌بێ له کوردستان بچنه ده‌ر، وه ده‌شڵێت لایه‌نی تورکی ئه‌بێ ئه‌وه تێبگات بونی ئه‌وان لێره هیچ سودێک ناگه‌ێنی و کێشه‌ی له‌گه‌ڵ پ.ک.ک دا ده‌بێ ئاشتیانه چاره‌سه‌ر بکات.وه له باره‌ی هاتنی هێزێکی زۆرتر بۆ هه‌ریمه‌که ده‌ڵێت نه‌ک هه‌ر حکومه‌تی هه‌رێمی کوردستان به‌ڵکۆ گه‌لی کوردیش ڕیگا به‌وه نادات.
دەنگی کوردی ئەمریکا-.
-----------------------------------------
.jpg)
اسماعیل آقا سمکو
اسماعیل آقا شکّاک یا اسماعیل آقا سیمیتقو معروف به ( اسماعیل سمکو ) یکی از مبارزان کورد در عین مذاكره با مقامات نظامی در 27 تیر 1309 ناجوانمردانه كشته شد.