Subscribe:

Ads 468x60px

۱۳۹۱ اسفند ۲۷, یکشنبه

هه‌ڵه‌بجه‌ێ زه‌خمی ده‌رد وه‌ گیانم ئاخر من کوردم ده‌رد کورد زانم

video


هه‌ڵه‌بجه‌ێ زه‌خمی ده‌رد وه‌ گیانم ئاخر من کوردم ده‌رد کورد زانم


کوردێک بێ خه‌وه‌ر وه‌ ده‌رد کورده‌ یا کورد خامه‌ یا ئه‌قڵێ ورده‌



به‌شداره‌ێل مه‌راسم 25مین سالیاد کیمیاواران هه‌له‌بجه‌ی شه‌هید

پەێام سازمان دموکراتیک یارسان کومیتەێ سوئد وە بونەێ 25 مین سالیاد شیمیایی واران هەڵەبجە

به‌شداره‌ێل مه‌راسم 25مین سالیاد کیمیاواران هه‌له‌بجه‌ی شه‌هید:ئیمرۆ له‌ ئێره‌ جه‌م بیمنه‌ تا له‌ مه‌راسم 25مین سالیاد هه‌له‌بجه‌ێ شه‌هید وه‌ گه‌رد که‌س وکار و بنه‌ماله‌ێ ئه‌و شه‌هیده‌ێله‌ ئبراز هآوو ده‌ردی وهآو خه‌می بکه‌یم. لە حاڵیکا هه‌ر سال له‌ هه‌لکه‌فت 21/03 مەردم شار حەڵەبجە جور باقی مڵەت کورد ئه‌را رێزگردن له‌ هاتن جه‌شن نه‌ورۆز خۆێان ئاماده‌ کردن و زه‌قزه‌قه‌ و شادی مێوان گشت مالێک بی ‌ومنالەکان دڵخۆەشی وه‌ ئه‌وه‌ داشتن که‌ له‌  لایان بنه‌ماله‌که‌ێان وه‌ ئێدانه‌ ئه‌راێن سه‌نیه‌د ،به‌لام وه‌ داخوه‌ ئی ئاواته‌ نه‌هاته دی و له‌‌ لایان ر‌ژیم جنایه‌تکار بەعس  له‌ هه‌لکه‌فت 16/03/1988 هه‌لبجه‌ که‌فته‌ وه‌ر په‌لامار کیمیای  و له‌ نه‌تیچه‌ێ ئی جنایه‌ته‌ 5000 هه‌زار گۆڵ هه‌ڵپرۆچکیا .
 هه‌رساڵ له‌ هه‌لکه‌فت 16/3 هه‌ور سیه‌ و ماته‌م باڵ کیشیده‌ سه‌ر ته‌مام کۆردسانا وه‌ گشتی و هه‌له‌بجه ێا‌ وه‌ تایوه‌ت. گشت ئاگادارین کۆمه‌لگای کۆردی دایم له‌ لایان دیکتاتوره‌کان خاون ده‌سلات له‌ مه‌نته‌قه‌ گه‌وره‌ترین زۆلم و زۆر مۆتهه‌مل بینه‌و له‌ێ رێگاێچا قوروانی فره‌ێ داگه.نمۆنه‌ فره‌س کیمیاواران  هه‌له‌بچه‌ له‌ لاێان ر‌ژیم زالم به‌عسوه‌ وه‌ سه‌رکردایه‌تێ ئه‌لی کیمیاوی هه‌ر له‌ێوا کیمیاواران  ئاوای بان زه‌رده‌ ناوچه‌ێ یارسانی نشین له‌  کۆردسان ئێران.  ترور،اعدام، شکەنجە،زندانی کردن مبارزین و شه‌خسیه‌ته‌ڵ سه‌رشناس  له‌  کۆردسان ئێران ‌لەلاێان ر‌ژیم جنایه‌تکار جمهوری ئسلامیوه‌ و گردن و زندانی کردن سیاستوانەیل کورد لە کوردستان تورکیە و جنایه‌ته‌گەڵێک کە دە حەق وە مڵەتەکەمان کریەت وە تەور سیستماتیک ڕوژانە تکرار وە بۆوت.سه‌رکۆت کردن ده‌نگ کۆرد له ژێر ‌ده‌سلات داری به‌شار ئه‌سه‌د له‌ رۆژئاواێ کۆردسان  ئیانه‌ نمۆنه‌ێک له‌ جنایه‌ته‌کان ده‌سلاتداره‌یل سه‌رده‌مه‌ که‌ ده‌ر هه‌ق وه‌ مله‌ت کۆرد ئه‌نجام دریەت‌.
به‌شداره‌یل ئه‌زیز   ‌
هەرئەوجورە هەڵبەجە کەفتە وەر شیمیایی واران هەواپەێماکان ڕژیم سەدام حوسەین و 5000هەزارکەس بیتاوان که‌ به‌ش فره‌ێان مناڵ و ژن بین کردە قوربانی، ئاوایی یارسانی نشین زردە لە ناوچەێ داللاهو له‌ رۆژهه‌لات کوردسان له‌ ساڵ 1988 کەفتە وەر پەڵامار شیمیایی رژیم سەدام و سه‌دان کەس کردە قوربانی، ڕاسە جنایتەکە لە ئاست جناێەتێک نەوی کە دەر هەق وە هەڵەبجە کریا وەڵێ لە فکرمان نەچوت کە لە زەردە زیاتر لە 250 نەفەر گیانێان لە دەس دان و سەدان کەسیچ کەم ئەندام بین، وەڵێ وە داخوە لە ئاست میدیای کوردی زەردە کەفتە پەراوێزوهیچ  باسێک  ڵێ ناکریەت. لەی تریبونوە لە ‌ته‌مام خه‌مخورێل ،دڵسۆزه‌ێل،وه‌ له‌ ته‌مام میدیاکان وه‌ تایوه‌ت حکۆمه‌ت هه‌ریم کوردسان داواکاریم که‌ شیمیاواران زه‌رده‌یچ جۆر که‌یسێک تایبه‌ت وه‌ خۆەێ له‌ لێ باس بکریه‌د و نه‌یڵن زەردە وه‌ ده‌س فەراموشی بسپاریه‌د و هاوکات تەڵاش بکەن کە نەهامەتیاکان گشت مڵەت کورد وە یەک چەو تماشا بکریه‌د.
به‌شداره‌ێ ئه‌زیز
.نه‌یاران کۆرد له‌ هه‌ر شێوه‌ زۆلم و زۆرو نا ئداله‌تی ده‌ر هه‌ق وه‌ کۆمه‌لگه‌ێ کۆرد  کۆتای نه‌کردنه‌ و ئه‌را خامۆش کردن چراخ وجاخ کۆرد له‌ هیچ جنایه‌تێ جۆر ترور، ده‌سه‌ سه‌رکردن و  کیمیاواران ، وئاواره‌ و داگیر کردن ئاو وخاک میلکان باو باپیرمان  کۆتای نه‌ێاشتنه‌،به‌لام وه‌ پێچه‌وانه‌ سه‌ره‌راێ ته‌مام ئی  جنایه‌تەێله‌ رۆله‌کان کۆرد وه‌ ئه‌وپه‌ر دلسۆزی وباوه‌ر وه‌ خۆێ‌ له‌ جاران چالاکا‌نه‌تر  هاتنه‌سه‌ مه‌ێدان و مه‌شئه‌ل پیرۆزێ پڕتین ووە شه‌وقتر کردنه‌سوه‌.وه‌یشێوه‌ وه‌ دۆژمن نیشان دایمنه‌‌ که‌ وه‌ هیچ شێوه‌ێک مله‌ت کۆرد له‌ وه‌رانوه‌ر داگیرکه‌ر نه‌  ئه‌وه‌ێکه‌  وه‌ چووکا ناتێت و  به‌لکۆ وه‌ تواناتر ئه‌را وه‌ده‌س هاوردن هه‌ق ره‌واێ خۆێ خه‌بات و فداکاری که‌ێد. له‌ ئێره‌ توام بۆیشم ته‌نیا وه‌ یه‌ک ده‌نگ بین و یه‌ک گرتن توانیم وه‌ ئاواته‌کانمان بره‌سیم و له‌ وه‌رانوه‌ر داگیرکه‌رێل مقاومه‌ت خاستر بکه‌یم. په‌س با ده‌س بگریمنه‌ ده‌س یه‌کوه‌ تا هیچ دۆژمنێک نه‌توانێد زه‌فه‌ر له‌ لێمان بارێد.
 له‌ کۆتاێ جارێکتر
له‌ لاێان سازمان دمۆکراتیک یارسان و  فدراسیون یارسانوه‌ ئاماده‌ێ هه‌ر نه‌و هاوکاری و هاوفکریکیم له‌ی راستا. همێواریم که‌ له‌ ئایندە گشت لایانه‌کان وه‌ هاوکاری یه‌ک له‌ی رۆژه‌ رێز بگریم . سازمان دمۆکراتیک یارسان و فدراسیون یارسان  وه‌ ته‌مام بنه‌ماله‌ێ گیان به‌خت کردگه‌ل  هه‌له‌بجه‌ی شه‌هید و  بان زه‌رده‌ێ بێ تاوان ته‌سلیه‌ت ویشێ و خۆمان وه‌ شه‌ریک خه‌م و دەردەکانێان  زانیم.
رۆحێان شاد یادێان پیرۆز بۆد.
وه‌ گه‌رد رێز و هۆرمه‌ت
سازمان دمۆکراتیک یارسان
و فدراسیون یارسان له‌ ولات سۆئد
16/03/2013
http://www.yarsanmedia.com/?p=3209

هیچ نظری موجود نیست:

ارسال یک نظر