Subscribe:

Ads 468x60px

۱۳۹۰ اسفند ۲, سه‌شنبه

وەرەو کونگرەێ ئتحاد یارسان لە وڵات سوئد

وەرەو کونگرەێ ئتحاد یارسان لە وڵات سوئد

یارسانیەیل ئەزیز،ملەت شەریف کورد،ئەرا وەرەو پێش بردن کار و مبارزە و دەفاع لە مافەکان ملەت کورد وە گشتی و جامعەێ یارسان وە تایبەتی، یاریکورد و جدی وە عەنوان دو جەریان یارسانی لە ٧،٨ مانگ ئاپریل ٢٠١٢ لە وڵات سوئد شارشوپینگ، کونگرەێ خوەمان گریم. هەر لەی ڕابتە و ئەڕا باس و ڕاوێژ لە سەر چوینیەتی کارەکان کونگرە هەڵکەفت 19.02.2012 

کومیتەێ هاوبەش هەردک جەریان جەلەسەێک داشتن و وە وردی باس و راوێژ لە سەرێ کریا. لە جەلەسەکە وەردەکاریەکان چە لە بار ئەمنیەتی و تکنیکی و گشت ئحتیاجات کە شایستەێ کونگرەێکی یارسانی بۆوت خریا وەر باس و قسە کردن. جور جاران و لەی نویسراویچە ویشیم کە مردم یارسان لە شۆن کونگرە توانن وە یەک دەنگ و لە ژێر یەک چەتر گشتی هاوشان وەڵ تەمام ئازادیخوازەکان ئێران و کوردستان ئەڕا وە دەس هاوردن ئازادی و حەق ڕەواێ جامعەێ یارسان مبارزە کەن.



وە ئاگاداری گشت ئەندام و دوستان هەرک جەریان و ئەو کەسەیلە کە ئەڕا کونگرە داوەت کریانە ڕەسنیم کە وە خوەشحالیوە زورینەێ کارەکان ئەڕا گردن کونگرە جێ وە جێ کریاس و وە وەرداوامی کومیتەێ هاوبەش کار ئەڕا مەوەفەقیەت بێشتر کونگرەێ ئتحاد یارسانی کە بوتە ماێەێ خوەشحالی جامعەکەمان کەێت. لە تەمام مەردم یارسان لە دەیشت وڵات داوا کەیم کە پالپشت و هاوکار و هاوفکرمان بۆون کە بتوانیم گشتمان وە یەک دەس ئەو جورەی کە شایستەێ تاریخ و جامعەکەمان بۆوت وە دەس باریم. بێ گۆمان لە ئایندەیچ لە وردەکاریەکان ئاگادارتان کەیموە.


دەسەێ ئتلاع ڕەسانی کومیتەێ هاوبەش

جونبش دموکراتیک یارسان

یاریکورد

21.02.2012

ئەڕا مالومات زیاتر لە سەر کار و شۆن کونگرە توانین وەڵ ئی ژمارە تلفونگەل خوارە تەماس بگرین.

mobil: 0046(0)739120406

0046762168953Mobil

هیچ نظری موجود نیست:

ارسال یک نظر