كچێك: دوای ئەوەی لەگەڵم رایبوارد دەیویست لەگەڵ خوشكە پانزە ساڵییەكەشم سێكس بكات

كچێك: دوای ئەوەی لەگەڵم رایبوارد دەیویست لەگەڵ خوشكە پانزە ساڵییەكەشم سێكس بكات 

وارڤین – هەولێر: لە رێگەی مۆبایلەوە كچێك لە تەمەنی پانزە ساڵییەوە دەكەوێتە داوی كوڕێك و دوای ئەوەی دەیكاتە ژن و ماوەی پێنج ساڵ لەگەڵی دەبێت، ئێستا هەڕەشەی بڵاوكردنەوەی گرتە سێكسیی و وێنە رووتەكانی دەكات و كچەكەش سكاڵای لەسەر تۆمار كردووە.

بە رێككەوت بوو

(خوناو) لەدایكبووی (1992) هەر لە تەمەنی (15) ساڵییەوە بە رێككەوت لە رێگەی مۆبایلەوە دەكەوێتە داوی پەیوەندی لەگەڵ كوڕێكدا و لەسەر ئەو پەیوەندییە بەردەوام دەبێت و ماوەی پێنج ساڵ بەیەكەوە چیرۆكێكی درێژ دەنووسنەوە و سەرەنجامی ئەو پەیوەندییە دەگاتە ئەوەی (خوناو) سكاڵا لەسەر كوڕەكە تۆمار بكات.

(خوناو) لە بارەی چیرۆكەكەی خۆیەوە تایبەت بۆ (وارڤین) گوتی: "لەگەڵ (سەرمەد) بە هەڵكەوت و لە رێگەی مۆبایلەوە یەكدیمان ناسی، رۆژانە بە نامە مۆبایل ئاگامان لە یەك دەبوو، قسەمان نەدەكرد بە دەنگ، تەنیا بە نامە حەز و خۆشی و ناخۆشی خۆمان بۆ یەك دەردەبڕی".

كات زوو تێپەڕی

"وەرزەكانی ساڵ زوو تێپەڕین، كات زۆر خێرا بەرەو ئەو چارەنووسە رەشەی بردم كە تێی كەوتووم، رێگای ژیانمان بە دەم نامە ناردن و نامەگۆڕینەوەوە بەسەر برد و نزیكەی سێ ساڵ بەو شێوەیە بە بێ ئەوەی یەكدی ببینیین، كاتمان بە خۆشی و هەندێكجار بە توڕەبوون و ئاشتبوونەوە بەسەر برد". خوناو گوتی.

وەك ئەو كچە دەیگێڕێتەوە، ئەو وەك ئەوەی هۆگری كەسایەتییەكی ئەفسانەیی بووبێت، لەو ماوە زۆرەدا هۆگری نامەكانی (سەرمەد) بوو بوو، "رۆژ لە دوای رۆژ حەزم دەكرد بیبینم و تەنیا بۆ ساتێكیش بێت خۆم بخزێنمە ئامێزییەوە، بەڵام نەمدەزانی ئەو هەستە كاتییەم چ نەهامەتییەكی بەدوادا دێت".

یەكەم ژووان

وەك (خوناو) گوتی: "رۆژێكیان بە بیانووی دەرسخوێندن لەگەڵ كچە هاوڕێیەكم، لەماڵ دەرچووم، بۆ یەكەمجار بوو (سەرمەد) ببینم، هەر لە دوورەوە هەستم پێی دەكرد، چونكە لە رێگەی نامەوە زۆر هەستی بۆم دەربڕیبو، كە یەكدیمان بینی، وتی با بچینە شوێنێك بۆ پیاسە گونجاو بێت و بە ئۆتۆمبیلەكەی منی بردە شارەدێی عەنكاوە و لەوێش نەوەستا و چووینە پشت عەنكاوە كە شوێنێكی چۆڵ بوو".

(خوناو) یەكەمجاری دەبێت لەگەڵ كوڕێكدا بەو شێوەیە لە دەرەوە بێت، ئەو وەك نێچیرێكی دەستەمۆكراوی (سەرمەد) رەفتار دەكات، نازانێت ئەو كوڕە خەون و ئاواتی ئەوەیە نێچیرەكەی بریندار بكات و لە دوورەوە یاری بە چارەنووسییەوە بكات.

نەمدەزانی منی كردووە بە ژن

 بە گوێرەی قسەكانی (خوناو) سەرەتا (سەرمەد) داوای ماچێكی لێكردووە و چەندجارێك رەتیكردووەتەوە ماچی بداتێ، بەڵام دواجار بە قسەی خۆش رازیكردووە و ئیدی (سەرمەد) كە زانیویەتی (خوناو) خۆی لەبەر داواكارییەكانی ناگرێت، بە بێ داوا دەستی لێداوه،‌ بەم شێوەیە هەتا وەكو ناچار بە خۆ تەسلیمكردنی كردووە.

(خوناو) دەڵێت: "من ئەوكاتە پۆلی (11) بووم، نەمدەزانی لەو كاتەی یاری لەگەڵ دەكردم، دەستدرێژی بۆ كردووم و منی كردووەتە ژن، پێی گوتم ئەوە تەنها گاڵتەیە، بەڵام دواتر، كە چوومە ماڵەوە، دوای (6) كاتژمێر هەستم كرد، كە (سەرمەد) منی كردووە بەژن، بۆ بەیانی تەلەفۆنم بۆی كردوو مەسەلەكەم پێگوت، بەڵام سەرمەد، گوتی تۆ درۆ دەكەی، من كاری وامنەكردووە".

"دكتۆرەكە ناناسمەوە"

خەمۆكی و پەژارە باڵ بەسەر دڵی (خوناو)دا دەكێشێت و وایلێدەكات، بیر لە پشكنین بكاتەوە "دوای ئەوە رۆژێك بردمی بۆلای دكتۆرێكی ژن پشكنینی بۆ كردم و پێی راگەیاندم، كە هێشتا كچم و نەبوومەتە ژن".

"لەلای دكتۆر چوومە دەرەوە و هەواڵەكەم بە (سەرمەد) راگەیاند، چونكە ئەو لەگەڵ من نەهات بۆ لای دكتۆرەكە من بەتەنیا چووم بۆ لای دكتۆرەكە، بەڵام نازانم دكتۆرەكە كێبوو". ئێستا (خوناو) نازانێت ئایا ئەو دكتۆرە كەسێكی هاوڕێی (سەرمەد) بووە و مەسەلەكە تەنیا شانۆگەرییەك بووە كە لە پشت پەردەوە (سەرمەد) سیناریۆكەی داڕێشتووە یاخود پشكنینێكی درووست بووە.

چیرۆكی هەڵبەستراو

لە درێژەی گێڕانەوەی بەسەرهاتەكەیدا، (خوناو) باسی لەوەكرد، رۆژێكیان (سەرمەد) پێی دەڵێت، كەوا بە نیازە سەفەر بكات بۆ دەرەوەی (عێراق) لەبەر ئەوەی بە (خوناو)ی گوتبو برایەكم كوژراوە هاوسەری هەیە، هاوسەری براكەمیان بە زۆری لێم مارەكردووە، بۆیە دەمەوێ بچمە دەرەوە. بۆ ئەوەی بزانن، كە من ئەو ژنەم ناوێ، "دوای چەند رۆژێك (سەرمەد) بە ژمارەیەكی دیكە پەیوەندی پێوە كردم، گوتی سەفەرمكردووە، بەڵام سەفەری نەكردبوو" (خوناو) گوتی. 

بەڵێنی هاوسەرگیری

لەو ماوەیەدا (خوناو) و (سەرمەد) چەند جارێكی دیكە یەكدی دەبینن و كوڕەكە بەڵێنی پێدەدات كە بیخوازێت و بیكاتە هاوسەری خۆی، بۆیە لە مەترسییەكانی لەدەستدانی پەردەی كچێنی دڵنیا دەبێتەوە و بڕوا بە (سەرمەد) دەكات، و هەر جارێك زیاتر وەڵامی داواكانی ئەو كوڕە دەداتەوە.

وێنەی دەگرتم و سەیری گرتەكانمان دەكردەوە

هەر جارێكیش كە پێكەوە دەبن، (سەرمەد) بەناوی ئەوەی دوای هاوسەرگیری بیری ئەو رۆژە خۆشانە دەكەنەوە كە سێكسیان كردووە و لە ئامێزی یەكدی بوونە، وێنەی دەگرێت و بە مۆبایلەكەی وێنەی ڤیدیۆیی تۆمار دەكات و دواتر بە یەكەوە سەیری گرتەكانیان دەكەنەوە.

وەك (خوناو) باسیدەكات، پەیوەندییەكەیان دەگاتە قۆناغێك كە ئەو كچە ناتوانێت بگەڕێتەوە دواوە و سنوور بۆ حەزەكانی ئەو كوڕە دابنێت "من وێنەی زۆرم هەبوو لەلای (سەرمەد) نەمدەتوانی وازی لێبهێنم، چونكە هەڕەشەی لێدەكردم منیش ترسام".

پەیوەندییەكە تەنیا لە چوونە دەرەوە ناوەستێت و رۆژ لە دوای رۆژ داواكارییەكانی (سەرمەد) زیاتر دەبن.

هاتە ماڵەوە

ماڵی (خوناو) دوو نهۆمە و دەرگای تایبەتییان هەیە بۆ نهۆمی سەرەوە و (خوناو)یش لە ماڵەوە بە بۆنەی خوێندنەوە لەگەڵ خێزانەكەی كاتی بەسەر نەبردووە و زۆربەی كات لە ژوورە تایبەتیەكەی خۆی لە سەرەوە ماوەتەوە و باوكیشی شەوان لە ئەركدا بووە و لە ماڵ نەماوەتەوە.

"دوای ماوەیەك داوایلێكردم بێتە لام لە ماڵەوە، دەهات بۆ ماڵمان شەوانە، كە ئەندامانی ماڵەوە دەخەوتن و باوكیشم لە ئەركەكەی دەبوو، (سەرمەد) دەهاتە ماڵمان دەچووینە ژوورەكەی من، كە لە نهۆمی سەرەوەی ماڵەكەمان بوو، لەوێ لەگەڵم دەمایەوە بۆ ماوەی چەند سەعاتێك و لەگەڵم رایدەبوارد، هەر چەند جاری رامان بواردبا (سەرمەد) بە ڤیدیۆ وێنەی دەگرت و دواتر سەیرمان دەكردەوە هەروەها دواتریش وێنەی دەگرتم بە جلی ژێرەوە هەروەها بە رووتیش".

باوەڕم پێیكرد

(خوناو) تەنیا پاساوی بۆ ئەو رەفتارانە ئەوەیە كە دەڵێ، "هەموو كات پێی دەگوتم زەواجت لەگەڵ دەكەم منیش باوەڕم پێی دەكرد، لەبەر ئەوەی زۆرم خۆشدەویست، هەتا ئێستاش وامدەزانی منی خۆشدەوێ و دەمخوازێ، نەمزانی گاڵتەم پێدەكات، بۆیە هەرچی داواكاری لێم هەبوایە بە قسەیم دەكرد بە رادەیەك ئێمە وەك ژن و مێرد دەژیاین".

داوای خوشكە پانزە ساڵیەكەشی دەكات

بە تێپەڕبوونی كات، ئەو كوڕە داوای ئەوە لە (خوناو) دەكات، خوشكە پانزە ساڵییەكەشی بخاتە بەر دەستی، "رۆژێك (سەرمەد) بەمنی گوت: دەبێت خوشكەكەت بهێنی بۆم بۆ ئەوەی كاری سێكسی لەگەڵ بكەم، منیش بەقسەیم كرد، خوشكەكەم كەتەمەنی (15) ساڵە ناوی (ئارژین)ە لەگەڵ خۆم بردمە دەرەوە، لەگەڵ (سەرمەد) رۆیشتین بێئەوەی خوشكەكەم هەست بە هیچ شتێك بكات، چووینە دەرەوەی هەولێر. ئینجا لەناو سەیارە بە خوشكەكەمم گوت ئەو كوڕە خۆشەویستی منە ناوی (سەرمەد)ە، كە گەیشتینە شوێنی مەبەست (سەرمەد) داوای لە خوشكەكەم كرد، كە كاری سێكسی لەگەڵ بكات، بەڵام خوشكەكەم رازی نەبوو ئیدی من و ئەو بەیەكەوە ئەو كارەمان كرد".

(خوناو) گوتیشی: "دوایی داوای لێدەكردم ژنە ئامۆزكانمی بۆ ببەم بۆ ئەوەی سێكسیان لەگەڵ بكات، هەموویانی دەناسی چونكە من باسی هەمووانم كردبوو، لەلای (سەرمەد) بۆیە ئەو داوایەی لێدەكردم".

داوای پارەی لێكردووە

(سەرمەد) هەر بە داوای سێكس و رابواردن نەوەستاوە و هەر جارە داوای شتێكی لە (خوناو) كردووە،  "ئینجا داوای پارەی لێكردم منیش (500 $)م لە دایكم وەرگرت گوتم كارم پێی هەیە، بردم بۆ (سەرمەد) ئەو بڕە پارەیەم پێیدا".

"هەڕەشەی بڵاوكردنەوەی گرتەكانی دەكرد"

(خوناو) دەتوت خوێن لە مرمێسكەكانی دەبارێن و ئەو سوور هەڵگەڕابوو، خەریك بوو هەناسەی سوار دەبوو، باسی لەوە دەكرد، كە هەڕەشەی بڵاوكردنەوەی گرتە سێكسییەكانی لێكردووە و گوتی: "دواتر هەڕەشەی لێكردم، كە ئەگەر پارەی دیكەی بۆ نەبەم ئەوا وێنە رووتەكان و ڤیدیۆ سێكسیەكانم بڵاودەكاتەوە، منیش هەندێك زێڕم هەبوو هەستام هەموویم فرۆشت، بای (2000 $) بوو پێیمدا".

هەڕەشەكانی (سەرمەد) بەردەوام دەبن، چیدیكە (خوناو) لەتوانایدا نامێنێ پارەی بداتێ و ئیدی وەك خۆی گوتی: "لە خەوە خۆشەكەی خۆشەویستی راچڵەكام و هەموو گیانم تاسابوو، نەمدەتوانی چیدیكە بە گوێی بكەم".

خوناو پەنا دەباتە بەر پۆلیس

دوای ئەوەی (سەرمەد) داوای بڕێكی دیكە پارەی لێدەكات، (خوناو) ناچار دەبێت پەنابەرێتە بەر بنكەیەكی پۆلیس و سكاڵایەكی یاسایی لەسەر ئەو كوڕە تۆمار بكات كە تەمەنێك دەستی دەستی پێوە دەكات.

"منیش لای پۆلیس سكاڵام لەسەری تۆماركرد، بەڵام هەڕەشەی لێكردووم، كە دەبێ لە سكاڵاكەم پاشگەز ببمەوە، بەرامبەر (2000 $) كە ئەویش پارەكەی منە و خۆم پێم داوە".

بە گوێرەی زانیارییەكانی (وارڤین) كە لە سەرچاوەیەك لە بەڕێوبەرایەتی پۆلیسی هەولێر دەستیكەوتوون، ئێستا (سەرمەد) بە گوێرەی ماددەی (395) لە یاسای سزادانی عێراقی فەرمانی دەستگیركردنی بۆ دەرچووە، پۆلیس بەدوایدا دەگەڕێت، بەڵام خۆی ونكردووە".

شوێنی نادیارە

بە گوێرەی زانیارییەكانی پۆلیس پێشتر (سەرمەد) ماڵی لە گەڕەكێكی شارۆچكەی (سۆران) بووە و هاوسەر و ماڵ و منداڵی هەیە و هەموو ئەو شتانەی لە (خوناو) شاردووەتەوە و هەر جارێك هاتووەتە هەولێر شەو چووەتە لای (خوناو).

تێبینی: له‌ باره‌ی تابڵۆكه‌وه:

تابڵۆی (په‌شیمانی) به‌ فلچه‌ی هونه‌رمه‌ندی سووری (مه‌ڕوان كساب) كه‌ بۆ رۆژنامه‌یه‌كی ئاماده‌ كردووه‌ و دواتر هونه‌رمه‌ند  (سه‌میر میخازووری) له‌ سه‌ر رووی قوماشێك به‌ ئه‌ندازه‌ی (85 * 85سم) به‌ فلچه‌ی زه‌یتی كێشاویه‌تیه‌وه‌ و له‌ تابڵۆكه‌دا وێنای ژنێك ده‌بینرێت كه‌ هه‌ست به‌ تاوان ده‌كات و به‌ ته‌نیا له‌ بیركردنه‌وه‌یه‌كی قوڵدایه‌ و سه‌ری خستووه‌ته‌ سه‌ر ئه‌ژنۆیی و پرچه‌ درێژه‌كه‌شی لوولخواردوو شۆڕبوونه‌وه‌ و پێشه‌وه‌ی ژنه‌كه‌ به‌ ره‌نگی شین نه‌خشێندراوه‌ و ره‌نگه‌كانی دیكه‌ی ده‌وروبه‌ری ئاماژه‌ن بۆ هه‌ڵه‌كانی و ژنه‌كه‌ش له‌ بیركردنه‌وه‌یه‌كی قوڵدایه.

ئا: زیلان عەلی

http://warvin.org/dreja.aspx?=hewal&jmara=1474&Jor=22

--------------------------------------

گۆڤارێكی هونەری: بەهۆی جوانییەكەیەوە كچە بێژەرێك لە پەیام دەركراوە 

وارڤین - هەولێر: دەنگۆی دەركردنی كچە بێژەری كەناڵی ئاسمانی پەیام (شەیدا ئەڵڵاكەرەم) بەهۆی جوانییەكەیەوە، بڵاو دەبێتەوە و بەڕێوبەری كەناڵەكەش لە لێدوانێكیدا بۆ (وارڤین) هەواڵی دەركردنی ئەو بێژەرە كچە بە "ناڕاست" ناودەبات.

لە ژمارە (41)یدا گۆڤاری‌(لڤینی‌ نوێ‌) له ‌راپۆرتێكدا ئاشكرایكردووە لە كۆی‌ چوار كچە بێژەر هیچ كام لەو كچانە له ‌ئێستادا لە كەناڵی‌ ئاسمانی‌ (پەیام) كە سەر بە كۆمەلی ئیسلامییە نەماون و هەریەكەیان بەهۆكاری‌ جیاواز لەو كەناڵە دەركراون. 

بە گوێرەی زانیاری گۆڤارەكە، لەتازەترین بڕیاریشدا كەناڵی‌ ئاسمانی‌ (پەیام) كچە بێژەری كەناڵەكە (شەیدا ئەڵڵاكەرەم)ی لەسەر جوانی‌ رووخساری‌ دەركردووە و ئەو گۆڤارە زانیارییەكانی لەسەر زمانی بەڕێوبەری كەناڵەكە (فاروق عەلی)یەوە گواستووەتەوە.

سەبارەت بە دەركردنی كچانی بێژەر بەهۆی جوانییەكەیانەوە لە كەناڵی ئاسمانی (پەیام) لە لێدوانێكی تایبەت بۆ (وارڤین) بەڕێوبەری كەناڵەكە (فاروق عەلی) رایگەیاند، "ئەو بێژەرە كچەی گوایە لەسەر جوانی دەركراوە دوێنێ شەو هەواڵەكانی پێشكەشكردووە، لە هیچ راگەیاندنێكیش باسم نەكردووە، كە بێژەرێكمان لەسەر جوانیەكەی دەركردبێت، جگە لەوانەش جوانی رووخسار یەكێكە لە مەرجەكانی كاری بێژەری".

گوتیشی، "پەیامنێرەكەی (لڤین پرێس) پێی گوتم یەكێك لە بێژەرە كچەكان دەستی لە كاركێشاوەتەوە، منیش گوتومە ئاگادار نیم، من تۆماری دەنگیم هەیە كاتێ لە (لڤین پرێس) قسەم كردووە، تەنها گوتومە خەڵك تەلەفون دەكەن دەڵێن ئەو بێژەرە كچەتان جوانە بۆ كردووتە بە بێژەر، منیش لە وەڵامدا گوتوومە ئەو بێژەرەمان خۆی جوانە لەكاتی پێشكەشكردنیش رووناكی كۆمەڵێك بلاجكتۆری لەسەرە بۆیە جوانتر دەردەكەوێت". 

ئەو باسی لەوەش كرد، لەهەموو دەزگایەكی راگەیاندن رێككەوتنامە یان گرێبەستێك هەیە لە نێوان كارمەند و ئەو دەزگایە، بۆیە دوای تەواو بوونی ئەو رێككەوتنامەیە هەردوولا بۆی هەیە ئەو گرێبەستە هەڵبوەشێنێتەوە یان درێژی بكاتەوە.

هەر لەو چوارچێوەیەدا بەڕێوبەری كەناڵەكە ئەمشەو (9 – 10 / تشرینی یەكەم – ئۆكتۆبەر / 2012) روونكردنە‌وە‌یە‌كی بڵاوكردووەتەوە.

لە روونكردنەوەكەشیدا (فاروق عەلی) نوسیویەتی: "بێگومان بە تۆماركراوی دیمانەكەی من پارێزراوە و هیوادارم بڵاوی بكەنەوە، بزانم لەكام بڕگەدا من وتوومە ئەو خوشكەمان كە مەبەست شەیدا خان بووە دوور دەخەینەوە. ئەمە لە كاتێكدا شەوی رابردوو كە بە پێی خشتەی بێژەرەكان سەرەی خۆی بووە لە كاری بێژەری بەردەوام بووە".

ئا: ژاڵه‌ عه‌زیز

------------------------

ده‌قی نامه‌ی كراوه‌ی كه‌مپینی به‌رگرتن به‌ سنوورداركردنی ئازادی راده‌ربرین 

وارڤین – هه‌ولێر: به‌ ده‌یان چالاكوان و رۆشنبیر و رۆژنامه‌وان له‌ كه‌مپینێكدا ره‌خنه‌ له‌ پڕۆژه‌ یاسای پاراستنی پیرۆزییه‌ ئایینییه‌كان ده‌گرن و رایده‌گه‌یه‌نن ئێمە بە پێویستی دەزانین کە لە جێگەی ئەم یاسایە یاسایەک دابڕێژرێت بۆ بەڕەسمی ناسینی ماف و ئازادی ڕادەربڕین و ئازادی بیروڕا و ویژدان  وپاراستنی ئینسانەکان لە دەستێوەردانی هەر بیر و ڕایەکی باو و ئایینی لە ژیانی تاکە کەسی و کۆمەڵایەتیاندا.

بۆ خوێندنه‌وه‌ی ده‌قی نامه‌كه‌ كرته‌ لێره‌ بكه‌