سازمان دموکراتیک یارسان حکم ئعدام زانیار و لوقمان مورادی شەرمەزار کەێت

سازمان دموکراتیک یارسان حکم ئعدام زانیار و لوقمان مورادی شەرمەزار کەێت

خورهەڵات نێوز: هەر ئەوجورەێکە لە میدیاکانوە وڵا بیەسوە، ڕژیم زد ئنسانی جمهوری ئسلامی حکم لە دار دان وە سەر دو جوان کورد، زانیار و لوقمان مورادی داسەپاندگە.

لوقمان و زانیار چەن ساڵە هان لە ژێر شکەنجەێ دژخیمەکان ڕژیم وە تومەت ئەوەێکە ئی دو نەفەرە کوڕ ئیمام جومەێ مەریوان کوشتنە، 

ئی دو جوان کوردە لە دادگاێکی نمایشی ڕژیم وە سەرپەرەستی قازی زد بەشەر سەڵەواتیوە حکم ئعدام وە سەرێانا سەپیاس و هەر کات و ساتێک ئحتماڵ دێرێ ئی دو جوانە ئعدام بکریەن.شەک لەوە نیە کە ئعدام لوقمان و زانیار نە ئەوەلین و نە ئاخرین ئعدام جوانەیل مەمڵەکەت ئێرانە،لە ڵاێەن دەسەڵاتدارەیل ڕژیموە، وەڵێ حکم ئی دو جوانە جنایەتێکیترە لە جنایەتەکان ڕژیم جمهوری ئسلامی و گشت چین و کۆمەڵگاێ ئێران و کوردستان بایەد لە وەرانوەر ئی جنایەتە بێ دەنگ نەون. سازمان دموکراتیک یارسان وە شێوەیکی توند حکم ئعدام لوقمان و زانیار شەرمەزار کەێت و هاوکات داوا لە سازماننگەل ناودەوڵەتی، پارلمان ئروپا،سازمان ملل، کەێت کە تواناێ خوەێان بەخەنە گڕ و فشار بخەنە سەر ڕژیم کە لە ئعدام ئی دو جوانە پاشگەز بوتوە.
لەی ڕابتە سازمان دموکراتیک یارسان چەندین نامە ئەڕا سازمانگەل ناودەوڵەتی ناردگە، و داوا کردگە کە وەر لە ئعدام لوقمان و زانیار بگرن.

سازمان دموکراتیک یارسان
8.1.2013

http://www.xorhelatnews.org/