نزیك بە 40هەزار كورد لە “كەلاردەشتی” مازندەراندا نێشتەجێن

نزیك بە 40هەزار كورد لە “كەلاردەشتی” مازندەراندا نێشتەجێن

بە پێی هەواڵی گەیشتوو بە ماڵپەری خوێندكار، ئەو كوردانەی كە لە سەردەمی پاشاكانی سەفەوی و قاجاڕدا بە زۆر بۆ ناوچەكانی باكووری ئێران كۆچ دراون، بە تایبەتی ناوچەی كەلار ەشتی مازندەران، تا ئێستاش كولتوور، زمان و ئایینی خۆیان پاراستووە.

كوردەكانی كەلاردەشت هەموویان لە داوێنی كێوەكانی ئەو ناوچەیەدا نێشتەجێ بوون و 90 لە سەدی ئەو گوندانەی كەلار دەشت هیچ مازنیی تێدا نشتەجێ‌ نییە. هەموو كوردەكانی دانیشتووی كەلاردەشت سەر بە هۆزی خاجوەندن و 99لە سەدەیشیان سەر بە ئایینی یارین.

ئەو گوندانەی كە كوردەكان تێیدا گرساونەتەوە بریتین لە: گویتر، كەڵەنۆ، كورد مەحلە، پەی قەڵا، لاهۆ، گورگە پێس، حەسەن كێف، وەلەباڵ، مەكا، ئەجابەیت، رۆباریك، تەوی دۆڵ، پێشینبۆر، پینەبۆر، بازاڕسەر.

شایانی باسە كە كوردەكانی كەلار دەشت بە زاراوەكانی لەكی و كەڵهوڕیی دەدوێن و رێژەی دانیشتوانی لە نێوان 30 بۆ 40هەزار كەسە.

http://www.khwendkar.com